ഫർവാനിയയിൽ മൂന്നും ജഹ്​റയിൽ ഏഴും കടകൾ പൂട്ടിച്ചു

കുവൈത്ത് സിറ്റി: ഫര്‍വാനിയ ഗവര്‍ണറേറ്റ് കേന്ദ്രീകരിച്ച്​ മുനിസിപ്പാലിറ്റിയുടെ നേതൃത്വത്തില്‍ പരിശോധന നടത് തി. റിഗ്ഗഇ, അന്‍ദലൂസ്, ഫര്‍വാനിയ ഭാഗങ്ങള്‍ കേന്ദ്രീകരിച്ചായിരുന്നു പരിശോധന. നിയമലംഘനങ്ങള്‍ നടത്തിയ മൂന്ന് കടക ള്‍ അധികൃതര്‍ അടച്ചുപൂട്ടി. 40 കടകളിലാണ്​ പരിശോധന നടത്തിയത്​. കോവിഡ്​ വ്യാപനത്തെ തുടര്‍ന്ന്​ ആരോഗ്യമന്ത്രാലയവും മന്ത്രിസഭയും ഏര്‍പ്പെടുത്തിയ നിയമങ്ങള്‍ ലംഘിച്ചതിനാണ് കടകള്‍ അടച്ചുപൂട്ടിയത്. പ്രദേശത്തെ അനധികൃത പരസ്യ ബോർഡുകൾ നീക്കി.

ഈ ഭാഗങ്ങളില്‍നിന്ന്​ എട്ടു പരാതികള്‍ ലഭിച്ചതായി ഫര്‍വാനിയ ഗവര്‍ണറേറ്റ് പരിശോധന സംഘം മേധാവി അഹ്​മദ് അല്‍ ഷരീഖ വ്യക്തമാക്കി. അതേസമയം, ജഹ്‌റ ഗവര്‍ണറേറ്റിലെ സുലൈബിയ വ്യാവസായിക മേഖല കേന്ദ്രീകരിച്ച്​ മുനിസിപ്പാലിറ്റി പരിശോധന നടത്തി. ശനിയാഴ്ച രാവിലെയായിരുന്നു പരിശോധന. പരിശോധനയില്‍ ഏഴ് കടകള്‍ അടച്ചുപൂട്ടി. മന്ത്രിസഭ തീരുമാനം ലംഘിച്ചതാണ് അടച്ചുപൂട്ടാന്‍ കാരണമെന്ന്​ പരിശോധന സംഘത്തലവന്‍ മുഹ്‌സിന്‍ അല്‍ ദുവൈഖ് വ്യക്തമാക്കി. പ്രദേശത്തെ 90 കടകളില്‍ അധികൃതര്‍ പരിശോധന നടത്തി.