കർഫ്യൂ ഒരാഴ്​ച പിന്നിട്ടു; പൂർണ കർഫ്യൂവിന്​ മടിക്കില്ലെന്ന്​ ആഭ്യന്തരമന്ത്രി

കുവൈത്ത്​ സിറ്റി: കോവിഡ്​ പ്രതിരോധത്തിന്​ കുവൈത്തിൽ സർക്കാർ പ്രഖ്യാപിച്ച ഭാഗിക കർഫ്യൂ ഒരാഴ്​ച പിന്നിട്ടു. പൊലീസി​​െൻറയും സൈന്യത്തി​​െൻറയും ശക്​തമായ നിരീക്ഷണത്തി​​െൻറ പിൻബലത്തിൽ വൈകീട്ട്​ അഞ്ചുമണി മുതൽ പുലർച്ചെ നാലുവരെ കുവൈത്തിൽ റോഡുകൾ വിജനമാണ്​. കൃത്യം അഞ്ചുമണി മുതൽ പുറത്തുകാണുന്നവരെ പൊലീസ്​ അറസ്​റ്റ്​ ചെയ്യുന്നുണ്ട്​. ശനിയാഴ്​ച ഏഴ്​ സ്വദേശികൾ അറസ്​റ്റിലായി. ശനിയാഴ്​ച വിദേശികൾ ആരും അറസ്​റ്റിലായില്ല. ഒരാഴ്​ചക്കിടെ സ്വദേശികളും വിദേശികളുമടക്കം 130ഒാളം പേരാണ്​ കർഫ്യൂ ലംഘനത്തിന്​ അറസ്​റ്റിലായത്​. കർഫ്യൂ പൊതുവിൽ രാജ്യനിവാസികൾ അനുസരിക്കുന്നുണ്ട്​.

അതേസമയം, കർഫ്യൂ അല്ലാത്ത സമയങ്ങളിൽ ജനങ്ങൾ ധാരാളമായി പുറത്തിറങ്ങുന്നു. കടകൾ അടച്ചിട്ടുണ്ടെങ്കിലും റോഡുകളിൽ വാഹനങ്ങൾ ​യഥേഷ്​ടമുണ്ട്​. ബസുകൾക്കും ടാക്​സികൾക്കും വിലക്ക്​ ഏർപ്പെടുത്തിയിട്ടുണ്ടെങ്കിലും സ്വന്തം വാഹനത്തിൽ ആളുകൾ പുറത്തുപോവുന്നു. ഇത്​ രാജ്യം നടത്തുന്ന കോവിഡ്​ പ്രതിരോധ പ്രവർത്തനങ്ങൾക്ക്​ വിലങ്ങുതടിയാണ്​. ജനങ്ങൾ സർക്കാർ നിർദേശങ്ങൾ അനുസരിച്ച്​ വീട്ടിലിരിക്കുന്നില്ലെങ്കിൽ പൂർണ കർഫ്യൂ ഏർപ്പെടുത്താൻ മടിക്കില്ലെന്ന്​ കുവൈത്ത്​ ആഭ്യന്തരമന്ത്രി അനസ്​ അൽ സാലിഹ്​ കഴിഞ്ഞദിവസം പറഞ്ഞു. പകൽ പുറത്തിറങ്ങാൻ അനുവദിച്ചത്​ അത്യാവശ്യ കാര്യങ്ങൾക്ക്​ മാത്രമാണ്​. കൊറോണ വൈറസ്​ ഭീതിയിൽനിന്ന്​ രാജ്യത്തെ രക്ഷിക്കാൻ എല്ലാവരും സഹകരിക്കണമെന്ന്​ ആഭ്യന്തര മന്ത്രി അഭ്യർഥിച്ചു.