കുവൈത്തിൽ ശ്​മശാനങ്ങളിൽ സന്ദർശകർക്ക്​ വിലക്ക്​

കുവൈത്ത്​ സിറ്റി: കുവൈത്തിൽ ശ്​മശാനങ്ങളിൽ സന്ദർശകർക്ക്​ വിലക്ക്​ ഏർപ്പെടുത്തി. മൃതദേഹം വേഗത്തിൽ സംസ്കരിക്കണമെന്നും മരിച്ച ആളുടെ അടുത്ത ബന്ധുക്കൾ ഒഴികെ സംസ്കരണച്ചടങ്ങുകളിൽ പങ്കെടുക്കരുതെന്നും കർശന നിർദേശമുണ്ട്.

രാജ്യത്ത് ഭാഗിക കർഫ്യൂ നിലനിൽക്കുന്നതിനാൽ സെമിത്തേരിയുടെ സമയം രാവിലെ എട്ടു മണിമുതൽ വൈകീട്ട് മൂന്നു മണിവരെയാക്കി പുനഃക്രമീകരിച്ചിട്ടുണ്ട്. ശ്​മശാനങ്ങളോടനുബന്ധിച്ച്​ നടത്താറുള്ള മരിച്ചവരുടെ അനുസ്​മരണ ചടങ്ങ്​ നേരത്തെ വിലക്കിയിരുന്നു.