ഫിസയെ കേൾക്കാം, ചിത്രങ്ങളിലൂടെ

കുവൈത്ത്​ സിറ്റി: സർക്കാറും ആരോഗ്യ മന്ത്രാലയവും കഠിനപ്രയത്​നം നടത്തു​േമ്പാൾ വീട്ടിലിരിക്കണമെന്നും സൂക്ഷി ക്കണമെന്നുമുള്ള നിർദേശങ്ങൾ അനുസരിക്കാതെ തന്നിഷ്​ടം കാണിക്കുന്ന നിരവധി പേർ ചുറ്റുമുണ്ട്​.
സർക്കാർ കർഫ്യൂ പ്രഖ്യാപിക്കാൻ നിർബന്ധിതരായത്​ ഇത്തരം പ്രവർത്തനങ്ങൾ കാരണമാണ്​. അത്തരക്കാർ ഒരു നിമിഷം ഇൗ കൊച്ചുമിടുക്കി പറയുന്നതൊന്ന്​ കേട്ടിരുന്നെങ്കിൽ...

കോവിഡ് കാലത്തെടുക്കേണ്ട മുൻകരുതലുകൾ ജാബിരിയ ഇന്ത്യൻ സ്​കൂൾ വിദ്യാർഥിയായ ഫിസ ഫാത്തിമ പറയുന്നത്​ ചിത്രങ്ങളിലൂടെയാണ്​. ഫ്ലാറ്റിന്​ മുൻവശത്ത്​ ചുവരിൽ ഫിസ വരച്ച ചിത്രങ്ങൾ കണ്ടവർക്ക്​ ചെയ്യേണ്ടതും പാടില്ലാത്തതും സംബന്ധിച്ച്​ കൂടുതൽ സംശയങ്ങൾ ഉണ്ടാവാനിടയില്ല. തൃശൂർ പാടൂർ സ്വദേശി നജീബി​​െൻറയും ശരീഫയുടെയും മകളാണ് ഫിസ ഫാത്തിമ.