വായ്​പ തിരിച്ചടവ്​: പ്രവാസികളുടെ പ്രതീക്ഷ ബാങ്കിങ്​ അസോസിയേഷനിൽ

കുവൈത്ത്​ സിറ്റി: ബാങ്ക്​ വായ്​പ തിരിച്ചടവിൽ ഇളവ്​ ലഭിക്കുന്നത്​ സംബന്ധിച്ച്​ കുവൈത്ത്​ ബാങ്കിങ്​ അസോസിയേ ഷനിൽ പ്രതീക്ഷയർപ്പിച്ച്​ പ്രവാസികൾ. കോവിഡ്​ പ്രതിരോധ ഭാഗമായ നിയന്ത്രണങ്ങൾ ഏറ്റവും ബാധിച്ചിട്ടുള്ളത്​ വിദ േശികളെയാണ്. വ്യാപാര സ്ഥാപനങ്ങൾക്ക്​ നിയന്ത്രണം ​ഏർപ്പെടുത്തിയത്​ കാരണം നിരവധി പേരുടെ വരുമാനം നിലക്കുകയോ നാ മമാത്രമാവുകയോ ചെയ്​തിട്ടുണ്ട്​. വാടകക്കും നിത്യവൃത്തിക്കും പ്രയാസപ്പെടുന്ന ഘട്ടത്തിൽ ബാങ്ക്​ വായ്​പ തിരിച്ചടവ്​ കൂടി താങ്ങാനാവുന്ന അവസ്ഥയല്ല.

കുവൈത്ത് പൗരന്മാരുടെ വായ്​പ തിരിച്ചടവിനു കുവൈത്ത് ബാങ്കിങ് അസോസിയേഷൻ കഴിഞ്ഞ ആഴ്ച ആറുമാസം മൊറട്ടോറിയം പ്രഖ്യാപിച്ചിരുന്നു. കോവിഡ്​ പ്രതിരോധ നടപടികൾ വിപണിയിലുണ്ടാക്കുന്ന പ്രത്യാഘാതങ്ങൾ പഠിച്ച്​ നടപടിയെടുക്കണമെന്ന അമീറി​​െൻറ നിർദേശമനുസരിച്ചാണ്​ സ്വദേശികളുടെ വായ്​പ തിരിച്ചടവിന്​ മൊറ​േട്ടാറിയം പ്രഖ്യാപിച്ചത്​. ബിദൂനികൾക്കും കുവൈത്തി സ്ത്രീകളുടെ വിദേശികളായ മക്കൾക്കും കൂടി ഇതേ ഇളവുണ്ടാകുമെന്നാണ് ബാങ്കിങ് അസോസിയേഷൻ ശനിയാഴ്ച പ്രസ്താവനയിൽ അറിയിച്ചത്​.

വിദേശികളുടെ വായ്പാ മൊറട്ടോറിയം സംബന്ധിച്ച്​ ഓരോ കേസും പ്രത്യേകം പരിശോധിച്ച് തീരുമാനമെടുക്കുമെന്നാണ്​ അസോസിയേഷൻ നിലപാട്​. അതേസമയം, ഇളവി​​െൻറ മാനദണ്ഡങ്ങൾ അധികൃതർ വ്യക്​തമാക്കിയിട്ടില്ല. വിദേശികളുടെ പ്രയാസം വിവിധ തലങ്ങളിൽനിന്ന്​ അധികൃതരുടെ ശ്രദ്ധയിൽപെടുത്തിയിട്ടുണ്ട്​. നിബന്ധനകൾ കൂടാതെ ആറുമാസത്തെ മൊറ​േട്ടാറിയം തങ്ങൾക്കും ലഭിക്കുമെന്ന ആഗ്രഹത്തിലും പ്രതീക്ഷയിലുമാണ്​ പ്രവാസികൾ.