വാഹന പരിശോധന: റിപ്പോര്ട്ട് ചെയ്തത് 2622 നിയമലംഘനങ്ങൾ
text_fieldsകുവൈത്ത് സിറ്റി: ട്രാഫിക് വകുപ്പിെൻറ നേതൃത്വത്തില് രാജ്യത്തിെൻറ വിവിധ ഭാഗങ്ങളില് തിങ്കളാഴ്ച നടത്തിയ പരിശോധനയില് 2622 നിയമലംഘനങ്ങള് റിപ്പോര്ട്ട് ചെയ്തു. ഫോണ് ഉപ യോഗിച്ച് വാഹനമോടിക്കുന്നതുമായി ബന്ധപ്പെട്ട നിയമലംഘനങ്ങളാണ് കൂടുതലും. 724 നിയമലംഘനങ്ങളാണ് ഇതുമായി ബന്ധപ്പെട്ടത്്. സീറ്റ് ബെല്റ്റ് ഉപയോഗിക്കാതെ വാഹനമോടിച്ച 392 കേസുകൾക്ക് പുറമെ 1506 വിവിധ ട്രാഫിക് ലംഘനങ്ങളും അധികൃതര് പിടികൂടി.
മൂന്ന് വാഹനങ്ങള് ഗാരേജിലേക്കു മാറ്റിയതായും നാലുപേരെ അറസ്റ്റ് ചെയ്തതായും അധികൃതര് വ്യക്തമാക്കി. അഞ്ച് നിയമലംഘനങ്ങള് സൂക്ഷ്മപരിശോധനക്കായി മാറ്റിവെച്ചിട്ടുണ്ടെന്നും ട്രാഫിക് വകുപ്പ് സൂചിപ്പിച്ചു. കുവൈത്ത് ദേശീയദിനത്തോടനുബന്ധിച്ച് ട്രാഫിക് നിയമലംഘനങ്ങള് കൂടിവരുന്നുണ്ടെന്നും വരും ദിവസങ്ങള് പരിശോധന ശക്തമാക്കുമെന്നും അധികൃതര് കൂട്ടിച്ചേര്ത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.