കൊറോണ: പ്രതിരോധ മുഖാവരണ​ കയറ്റുമതിക്ക്​ വിലക്ക്​

കുവൈത്ത്​ സിറ്റി: ​കൊറോണ വൈറസ്​ ഭീതി പടർന്നതിനെ തുടർന്ന്​ കുവൈത്തിൽനിന്ന്​ പ്രതിരോധ മുഖാവരണം കയറ്റുമതി ച െയ്യുന്നതിന്​ വിലക്ക്​ ഏർപ്പെടുത്തി. ആരോഗ്യ മന്ത്രാലയം ആവശ്യപ്പെട്ടതനുസരിച്ച്​ വാണിജ്യ മന്ത്രി ഖാലിദ്​ അൽ റൗദാൻ ഇതുസംബന്ധിച്ച്​ ഉത്തരവ്​ പുറപ്പെടുവിച്ചു.
കൊറോണ പശ്ചാത്തലത്തിൽ ആവശ്യക്കാരേറുന്നത്​ മുതലാക്കി സ് വകാര്യ കമ്പനികൾ ചൂഷണം നടത്തുന്നതായും ആരോപണമുണ്ടായിരുന്നു. കുവൈത്തിലെ സ്വകാര്യ കമ്പനിയോട്​ ചൈന 80 ലക്ഷം പ്രതിരോധ മാസ്​കുകൾ ആവശ്യപ്പെട്ടതായി​ കഴിഞ്ഞ ആഴ്​ച അൽ ഖബസ്​ ദിനപത്രം റിപ്പോർട്ട് ചെയ്​തിരുന്നു​. മാസ്‌കുകള്‍ ഉല്‍പാദിപ്പിക്കുന്ന കമ്പനികള്‍ രാജ്യത്തില്ലെന്നിരിക്കെ ഇത്​ വലിയ ചർച്ചയായി.

വിദേശത്തുനിന്നു ഇറക്കുമതി ചെയ്തും രാജ്യത്തെ ഫാർമസികളിൽനിന്ന്​ ശേഖരിച്ചുമാണ്​ കമ്പനി ഇത്​ നൽകാനൊരുങ്ങുന്നതെന്ന്​ റിപ്പോർട്ടിൽ പറഞ്ഞിരുന്നു. രാജ്യത്ത്​ കൊറോണ വൈറസ്​ റിപ്പോർട്ട്​ ചെയ്യുകയാണെങ്കിൽ മാസ്​കിന്​ വൻതോതിൽ ആവശ്യം വന്നേക്കും. ഇൗ സമയത്ത്​ സാധനം ലഭ്യമല്ലാതിരിക്കാനും വില കുതിച്ചുയരാനും ഇപ്പോഴത്തെ ശേഖരണവും പൂഴ്​ത്തിവെപ്പും കാരണമാവുമെന്ന്​ പലരും ചൂണ്ടിക്കാട്ടി. ഇതിനിടയിലാണ്​ വാണിജ്യ മന്ത്രാലയം മാസ്​ക്​ കയറ്റുമതി വിലക്കി ഉത്തരവിറക്കിയത്​. 95 ശതമാനം വരെ പകര്‍ച്ചവ്യാധികളില്‍നിന്ന്​ മാസ്‌ക് സംരക്ഷണം നൽകുമെന്നാണ് വിലയിരുത്തൽ. 100 ഫില്‍സ് മുതല്‍ ഒന്നര ദീനാര്‍ വരെയാണ് നിലവില്‍ മാസ്​കി​​െൻറ വില. ധാരാളം സ്വദേശികൾ ഇപ്പോൾ വ്യക്​തിപരമായി ഫാർമസികളിൽ മാസ്​ക്​ തേടിയെത്തുന്നുണ്ട്​.