ദേശീയ ദിനാഘോഷത്തിന്​ ഔപചാരിക തുടക്കം

കുവൈത്ത്​ സിറ്റി: ഒരുമാസത്തെ കുവൈത്ത്​ ദേശീയദിന, വിമോചന ദിന ആഘോഷത്തിന്​ ഒൗപചാരിക തുടക്കമായി. ചൊവ്വാഴ്​ച ര ാവിലെ പത്തുമണിക്ക്​ ബയാൻ പാലസിൽ അമീർ ശൈഖ് സബാഹ് അൽ അഹ്​മദ് അൽ ജാബിർ അസ്സബാഹ് കുവൈത്ത്​ ദേശീയ പതാക ഉയർത്തിയതോട െയാണ്​ ആഘോഷത്തിന്​ കൊടിയേറിയത്​.

ചടങ്ങിൽ കിരീടാവകാശി ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് സബാഹ്​ ഖാലിദ്​ അസ്സബാഹ്, പാർലമ​െൻറ് സ്​പീക്കർ മർസൂഖ് അൽഗാനിം, രാജ കുടുംബത്തിലെയും ഭരണകൂടത്തിലെയും പ്രമുഖർ തുടങ്ങിയവർ സംബന്ധിച്ചു. രാജ്യത്തെ ആറ്​ ഗവർണറേറ്റുകളിലും ഇതോടനുബന്ധിച്ച്​ പ്രത്യേക ചടങ്ങുകൾ സംഘടിപ്പിച്ചു. ഗവർണർമാരും പ്രമുഖ നേതാക്കളും സ്​ഥാനാരോഹണത്തി​​െൻറ 14ാം വാർഷിക ഭാഗമായി അമീറിന്​ ആശംസ അർപ്പിച്ചു.