കഴിഞ്ഞവര്‍ഷം 40,000 വിദേശികളെ നാടുകടത്തി

കുവൈത്ത് സിറ്റി: കഴിഞ്ഞവര്‍ഷം കുവൈത്തില്‍നിന്ന്​ 40,000 വിദേശികളെ നാടുകടത്തി. താമസ നിയമ ലംഘനം, ക്രിമിനല്‍ കേസുകള ്‍. നിയമവിരുദ്ധ പ്രവര്‍ത്തനങ്ങള്‍ തുടങ്ങിയവ മൂലമാണ് ഇവരെ നാടുകടത്തിയത്. ഇവരില്‍ 27,000 പേർ പുരുഷന്മാരും 13000 പേർ സ്ത്രീകളുമാണ്​. നാടുകടത്തപ്പെട്ടവരില്‍ കൂടുതലും ഇന്ത്യക്കാരാണ്. പിന്നീട്​ യഥാക്രമം ബംഗ്ലാദേശ്, ഈജിപ്ത്​ പൗരന്മാരാണ്​. താമസ നിയമലംഘനംമൂലം നാടുകടത്തപ്പെട്ടവരാണ് ഭൂരിഭാഗം പ്രവാസികളെന്നും അല്‍ ഖബ്‌സ് റിപ്പോര്‍ട്ടിൽ പറയുന്നു. 2018നെ അപേക്ഷിച്ച് 14,000 പേരുടെ വർധനവാണ് ഈ വര്‍ഷം രേഖപ്പെടുത്തിയത്. രാജ്യത്തേക്ക്​ തിരിച്ചുവരാന്‍ പറ്റാത്ത രീതിയില്‍ വിരലടയാളമെടുത്താണ് ഇവരെ നാടുകടത്തിയത്.

നാടുകടത്തപ്പെട്ടവരില്‍ 20 രാജ്യക്കാരുണ്ട്. 23,000 പേരെ ജയില്‍ നാടുകടത്തല്‍ വകുപ്പും 17,000 പേരെ താമസകാര്യാലയവുമാണ്​ നാടുകടത്തിയത്. കഴിഞ്ഞ നവംബർ അവസാനത്തോടെ വിദേശികളെ സ്ഥിരമായി കുവൈത്തിൽനിന്ന്​ പുറത്താക്കുന്നത്‌ നാടുകടത്തൽ കേന്ദ്രം വഴി മാത്രമാക്കിയിട്ടുണ്ട്​. നാടുകടത്തപ്പെട്ടവർ വ്യാജ രേഖ ഉപയോഗിച്ച്​ വീണ്ടും തിരികെ വരുന്നത്​ തടയുക ലക്ഷ്യമിട്ട്​ ഇലക്​ട്രോണിക്​ വിരലടയാളം എടുത്തിട്ടുണ്ട്​ എന്ന്​ ഉറപ്പുവരുത്താനാണിത്​. നാടുകടത്തൽ കേന്ദ്രത്തിലെ വിരലടയാളം ജനറൽ ഡയറക്​ടർ ഒാഫ്​ ഇൻഫർമേഷൻ സിസ്​റ്റം, തെളിവെടുപ്പ്​ വിഭാഗം തുടങ്ങിയ വകുപ്പുകളുമായി ബന്ധിപ്പിച്ചിട്ടുണ്ട്​. അതുകൊണ്ടുതന്നെ മറ്റൊരു പാസ്​പോർട്ട്​ ഉപയോഗിച്ചോ പേര്​ തിരുത്തി പുതിയ പാസ്​പോർട്ടിലോ​ മടങ്ങിയെത്തിയാൽ പോലും ഡി​േപാർ​േട്ടഷൻ ഡിറ്റക്​റ്റർ അത്​ കണ്ടെത്തും. കോടതിയിൽ കേസ്​ നിലനിൽക്കുന്നില്ലെങ്കിൽ നാടുകടത്തൽ നടപടികൾ ഇപ്പോൾ വേഗത്തിലാണ്​ നടക്കുന്നത്​.