കുവൈത്തിൽ അതിശൈത്യം അടുത്തയാഴ്ചയും തുടരുമെന്ന് കാലാവസ്ഥ വകുപ്പ്​

കുവൈത്ത്​ സിറ്റി: കുവൈത്തിൽ അനുഭവപ്പെടുന്ന അതിശൈത്യം അടുത്ത ആഴ്ചയും തുടരുമെന്ന് കാലാവസ്ഥ വകുപ്പി​​െൻറ മുന് നറിയിപ്പ്. അന്തരീക്ഷ ഊഷ്മാവ് മൂന്നു ഡിഗ്രി സെൽഷ്യസ് വരെ താഴാനിടയുണ്ടെന്നും മരുപ്രദേശങ്ങളിലും കാർഷിക മേഖലകളി ലും ഘനീഭവിക്കൽ പ്രതിഭാസത്തിനു സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു. യൂറോപ്പിൽ രൂപം കൊണ്ട ഉച്ചമർദം അറേബ്യൻ ഉപദ്വീപി​​െൻറ വടക്കുഭാഗത്ത്​ കേന്ദ്രീകരക്കുന്നതാണ് ഇപ്പോൾ അനുഭവപ്പെടുന്ന അതിശൈത്യത്തിനു കാരണമായി കാലാവസ്ഥാ വിദഗ്ധർ ചൂണ്ടിക്കാട്ടുന്നത്.

അടുത്ത ഒരാഴ്ചക്കാലം താപനില കുറഞ്ഞുതന്നെയിരിക്കുമെന്നും വ്യാഴാഴ്ച രാജ്യത്തി​​െൻറ ചില ഭാഗങ്ങളിൽ നേരിയ മഴക്ക്​ സാധ്യതയുണ്ടെന്നും കുവൈത്ത് മെറ്റീരിയോളജിക്കൽ ഡിപ്പാർട്മ​െൻറിലെ കാലാവസ്ഥാ നിരീക്ഷകനായ അബ്​ദുൽ അസീസ് അൽ ഖറാവി അറിയിച്ചു. പൊതുജനങ്ങൾ തണുപ്പിനെ പ്രതിരോധിക്കാനുള്ള കട്ടിയേറിയ വസ്ത്രങ്ങൾ ധരിക്കാതെ പുറത്തിറങ്ങരുതെന്നും വായുസഞ്ചാരം കുറഞ്ഞ മുറികളിലും തമ്പുകളിലും തണുപ്പകറ്റാൻ കരി കത്തിക്കുന്നത് ഒഴിവാക്കണമെന്നും അദ്ദേഹം നിർദേശിച്ചു. മൂന്നു ദിവസം വരെ താപനില കുറവായിരിക്കുമെങ്കിലും മഞ്ഞുവീഴ്ചക്കുള്ള സാധ്യത കുറവാണെന്ന്​ പ്രമുഖ കാലാവസ്ഥ നിരീക്ഷകൻ ആദിൽ അൽ സഅദൂൻ അഭിപ്രായപ്പെട്ടു.