ക്ലീൻ ജലീബ്​: പരിശോധന മണത്ത്​ കള്ളുകച്ചവടക്കാർ ആദ്യമേ മുങ്ങി

അബ്ബാസിയ: ‘ക്ലീൻ ജലീബ്​’ എന്ന പേരിൽ വൻ സന്നാഹവുമായി മുനിസിപ്പാലിറ്റിയുടെ നേതൃത്വത്തിൽ പരിശോധന ആരംഭിക്കുംമ ു​േമ്പ അബ്ബാസിയയിലെ കള്ളുകച്ചവടക്കാർ താവളം മാറ്റി. പബ്ലിക്​ സെക്യൂരിറ്റി, ക്രിമിനൽ സെക്യൂരിറ്റി, ഗതാഗതം, ഒാപറേഷൻ, ഇഖാമ കാര്യാലയം, വാണിജ്യ മന്ത്രാലയം എന്നിവയുടെ സഹകരണത്തോടെ മൂന്നുമാസം പരിശോധനയുണ്ടാവുമെന്ന്​ മുനിസിപ്പാലിറ്റി മുൻകൂട്ടി പ്രഖ്യാപിച്ചത്​ മദ്യമാഫിയക്ക്​ താവളം ഒഴിവാക്കാൻ അവസരമൊരുക്കി. മിക്കവരും അവധിയെടുത്ത്​ നാട്ടിൽപോയതായാണ്​ വിവരം. ചിലർ സാധന സാമഗ്രികൾ മാറ്റി പ്രവർത്തനം തൽക്കാലം​ നിർത്തി​. കഴിഞ്ഞദിവസം നടന്ന പരിശോധനയിൽ പിടിയിലായവരിലധികവും തെരുവു​ കച്ചവടക്കാർ ഉൾപ്പെടെ സാധാരണ തൊഴിലാളികളാണ്​.

മുന്നറിയിപ്പ്​ കാര്യമായെടുക്കാത്തവർ ആദ്യദിവസം കുടുങ്ങി. 140 പേരാണ്​ ചൊവ്വാഴ്​ച മാത്രം അറസ്​റ്റിലായത്​. ഇവരിലധികവും ഹസാവിയിൽ താമസിക്കുന്ന ഖാദിം വിസക്കാരായിരുന്നു. എന്നാൽ, രണ്ടാംദിവസം മുതൽ ആളുകൾ ജാഗ്രതയിലാണ്​. ഹസാവിയിലെയും അബ്ബാസിയയിലെയും റോഡുകളിൽ മുമ്പത്തെ ആളനക്കമില്ല. അപ്പാർട്ട്​മ​െൻറുകളിലും ബേയ്​സ്​മ​െൻറുകളിലും മദ്യം വാറ്റുന്ന സംഘങ്ങളിൽ വലിയവിഭാഗം മലയാളികളുണ്ട്​. പ്രദേശത്തെ ചില കലാസാംസ്​കാരിക പരിപാടികളിൽ മദ്യമെത്തിക്കുന്നതായാണ്​ ആക്ഷേപം​. പരിശോധന കാമ്പയിൻ അവസാനിച്ചാൽ മദ്യമാഫിയ വീണ്ടും സജീവമാകുമെന്നാണ്​ വിലയിരുത്തൽ. എന്നാൽ, ജലീബിനെ നിയമവിരുദ്ധ പ്രവർത്തനങ്ങളിൽനിന്നും മുക്​തമാക്കുമെന്നും മൂന്നുമാസം കഴിഞ്ഞാൽ ജലീബ്​ ഇതു​പോലെയാകില്ലെന്നുമാണ്​ അധികൃതർ പറയുന്നത്​.