ശുവൈഖിൽ തീപിടിത്തം; മൂന്നുമരണം, രണ്ടുപേർക്ക്​ പരിക്ക്​

കുവൈത്ത് സിറ്റി: ശുവൈഖ് വ്യവസായ മേഖലയിൽ ഗാരേജിലുണ്ടായ തീ പിടിത്തത്തിൽ മൂന്നുപേർ പൊള്ളേലേറ്റു മരിച്ചു. കെട്ട ിടത്തി​​െൻറ അവശിഷ്​ടങ്ങള്‍ക്കിടയില്‍നിന്നാണ് ഇവരുടെ മൃതദേഹം കണ്ടെടുത്തത്. ആദ്യം രണ്ടുപേരുടെ മൃതദേഹമായിരുന്നു അഗ്നിശമന സംഘത്തിന്​ ലഭിച്ചത്.

പിന്നീട് തീയണച്ചശേഷം നടത്തിയ പരിശോധനയിലാണ് മൂന്നാമത്തെ മൃതദേഹം കത്തിയെരിഞ്ഞനിലയില്‍ കണ്ടെത്തിയത്. തീ പൂര്‍ണമായും നിയന്ത്രണവിധേയമാക്കിയതായി അഗ്നിശമന വിഭാഗം വ്യക്തമാക്കി. രണ്ടുപേരെ പൊള്ളലേറ്റ്​ ചികിത്സയിൽ പ്രവേശിപ്പിച്ചിട്ടുണ്ട്​. 14 വാഹനങ്ങൾ കത്തിനശിച്ചു. പ്രദേശത്തെ ഗാരേജുകള്‍, ​സ്​പെയർ പാര്‍ട്‌സ് സ്​റ്റോറുകള്‍, എന്നിവിടങ്ങളിലേക്കും തീ പടര്‍ന്നിരുന്നു. തീപിടിത്തത്തിൽ പ്രദേശപരിസരം കറുത്ത പുകയാൽ മൂടിയിരുന്നു. ഏറെ ശ്രമകരമായാണ്​ അഗ്​നിശമന വിഭാഗം തീ അണച്ചത്​. കാരണം വ്യക്​തമല്ല.