പ്രമുഖ ബ്രാൻഡുകളുടെ വ്യാജ ഉൽപന്നങ്ങൾ പിടികൂടി
text_fieldsകുവൈത്ത് സിറ്റി: കാപിറ്റല് ഗവര്ണറേറ്റ് കേന്ദ്രീകരിച്ച് വാണിജ്യ വ്യവസായ വകുപ്പു നടത്തിയ പരിശോധനയില് വ്യാജ ഉൽപന്നങ്ങൾ പിടികൂടി. പ്രശസ്ത ബ്രാൻഡ് കമ്പനികളുടെ പേരിലുള്ള ഷൂകളാണ് സംഘം പിടികൂടിയത്. 1380 വ്യാജ ഷൂകള് പിടിച്ചെടുത്തതായി അധികൃതര് അറിയിച്ചു. ഒരു സ്റ്റോറില് നിന്നാണ് ഇത്രയധികം വ്യാജ ഷൂ ലഭിച്ചത്.
പേറ്റൻറുമായി ബന്ധപ്പെട്ട പ്രാദേശിക അന്തര്ദേശീയ നിയമങ്ങള് പാലിക്കാത്ത നിരവധി വ്യാജ സാധനങ്ങള് വില്ക്കുന്നതുമായി ബന്ധപ്പെട്ട വിവരത്തെ തുടര്ന്നാണ് വാണിജ്യ വ്യവസായ വകുപ്പു അധികൃതര് പരിശോധന ശക്തമാക്കിയത്. സാധനങ്ങൾ നിയമനടപടികൾക്കായി ബന്ധപ്പെട്ട വകുപ്പിന് കൈമാറി. രാജ്യത്ത് ട്രേഡ് മാർക്ക് മോഷണം സംബന്ധിച്ച് നിരവധി പരാതികൾ ലഭിക്കുന്നുണ്ട്. ഇതിന് രാജ്യത്തെ നിയമവ്യവസ്ഥ അനുസരിച്ച് ഒന്നുമുതൽ മൂന്നുവർഷം വരെ തടവു ലഭിക്കും. അംഗീകൃത ട്രേഡ് മാർക്കോടുകൂടിയ വ്യാജ ഉൽപന്നങ്ങൾക്കെതിരെ ഉപഭോക്താക്കളും ജാഗ്രത പുലർത്തണമെന്ന് വാണിജ്യമന്ത്രാലയം അഭ്യർഥിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.