സര്ക്കാര് ഭൂമി കൈയേറി പ്രവര്ത്തിക്കുന്ന റസ്റ്റാറൻറിനെതിരെ നടപടി
text_fieldsകുവൈത്ത് സിറ്റി: കാപിറ്റല് ഗവര്ണറേറ്റിലെ കെട്ടിട നിർമാണ ജോലികളിലെ അപാകത നിരീക് ഷിക്കുന്നതിനും സര്ക്കാര് സ്വത്ത് കൈയേറ്റം ചെയ്യുന്നതുമായി ബന്ധപ്പെട്ട നിയമലംഘനങ ്ങള് പരിശോധിക്കുന്നതിനുമായി മുനിസിപ്പാലിറ്റി അധികൃതര് മേഖലയില് പരിശോധന നടത്തി. മൂന്നുഘട്ടങ്ങളായിട്ടായിരുന്നു പരിശോധന. സംഘം ഔഖാഫിെൻറ ഉടമസ്ഥതയിലുള്ള സ്ഥലത്ത് അനധികൃതമായി സ്ഥാപിച്ച രണ്ടു പരസ്യബോര്ഡുകള് നീക്കം ചെയ്തു.
മുനിസിപ്പാലിറ്റിയുടെ പ്രത്യേക ലൈസന്സില്ലാതെ തെരുവുകച്ചവടം നടത്തിയ 21 കച്ചവടക്കാരെ പിടികൂടിയതായും ക്യാപിറ്റല് ഗവര്ണറേറ്റ് മുനിസിപ്പാലിറ്റി മേധാവി സൈദ് അല് ഇന്സി വ്യക്തമാക്കി. റിയൽ എസ്റ്റേറ്റുമായി ബന്ധപ്പെട്ട രണ്ടു നിയമലംഘനങ്ങള്ക്ക് താക്കീതു നല്കിയിട്ടുണ്ടെന്നും സര്ക്കാര് ഭൂമി കൈയേറി പ്രവര്ത്തിക്കുന്ന റസ്റ്റാറൻറിനെതിരെ നടപടിയെടുത്തിയിട്ടുണ്ടെന്നും അദ്ദേഹം പറഞ്ഞു. റിയല്എസ്റ്റേറ്റ് മേഖലകളില് തുടരുന്ന നിയമലംഘനങ്ങള് രാജ്യത്തു വർധിച്ചുവരികയാണ്. ഇത്തരം നിയമലംഘനങ്ങള് നടത്തുന്നവരെ പിടികൂടാനാണ് പ്രധാനമായും മുനിസിപ്പാലിറ്റി അധികൃതര് പരിശോധന നടത്തിവരുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.