ക​ഴി​ഞ്ഞ​വ​ർ​ഷം വൈ​ദ്യു​തി മ​ന്ത്രാ​ല​യ​ത്തി​ൽ ഒ​രു വി​ദേ​ശി​യെ​യും നി​യ​മി​ച്ചി​ല്ല

കു​വൈ​ത്ത് സി​റ്റി: 2018 ഫെ​ബ്രു​വ​രി മു​ത​ൽ 2019 ഫെ​ബ്രു​വ​രി വ​രെ വൈ​ദ്യു​തി മ​ന്ത്രാ​ല​യ​ത്തി​ൽ 155 സ്വ​ദേ​ശി​ക​ൾ​ക്ക് നി​യ​മ​നം ന​ൽ​കി​യ​താ​യി റി​പ്പോ​ർ​ട്ട്. വാ​ർ​ഷി​ക നി​യ​മ​ന​ങ്ങ​ളു​മാ​യി ബ​ന്ധ​പ്പെ​ട്ട് ജ​ല-​വൈ​ദ്യു​തി മ​ന്ത്രാ​ല​യം ത​യാ​റാ​ക്കി​യ സ്​​ഥി​തി വി​വ​ര ക​ണ​ക്കി​ലാ​ണ് ഇ​ക്കാ​ര്യം സൂ​ചി​പ്പി​ക്ക​പ്പെ​ട്ട​ത്. ഇ​തേ കാ​ല​യ​ള​വി​ൽ വി​ദേ​ശി​ക​ളും സ്വ​ദേ​ശി​ക​ളു​മു​ൾ​പ്പെ​ടെ 172 പേ​രു​ടെ സേ​വ​ന​മാ​ണ് അ​വ​സാ​നി​പ്പി​ച്ച​ത്. ക​ഴി​ഞ്ഞ ഒ​രു വ​ർ​ഷ​ത്തി​നി​ടെ ഒ​രു വി​ദേ​ശി​യെ പോ​ലും നി​യ​മി​ച്ചി​ട്ടി​ല്ലെ​ന്ന് മ​ന്ത്രാ​ല​യം അ​വ​കാ​ശ​പ്പെ​ട്ടു.

ജ​ല-​വൈ​ദ്യു​തി വി​ത​ര​ണ മേ​ഖ​ല​യു​മാ​യി ബ​ന്ധ​പ്പെ​ട്ട ജോ​ലി​ക​ളി​ലാ​ണ് പു​തി​യ ജീ​വ​ന​ക്കാ​രി​ൽ അ​ധി​ക​വും നി​യ​മി​ക്ക​പ്പെ​ട്ട​ത്. 93 സ്വ​ദേ​ശി​ക​ളെ​യാ​ണ് ഈ ​മേ​ഖ​ല​യി​ൽ നി​യ​മി​ച്ച​ത്. വൈ​ദ്യു​തോ​ൽ​പാ​ദ​ന-​ജ​ല ശു​ദ്ധീ​ക​ര​ണ പ്ലാ​ൻ​റു​ക​ളി​ലാ​ണ് പി​ന്നീ​ട് കൂ​ടു​ത​ൽ പേ​രെ നി​യ​മി​ച്ച​ത്. സ​ർ​ക്കാ​ർ ആ​വ​ശ്യ​പ്പെ​ടു​ന്ന ത​ര​ത്തി​ൽ സ്വ​ദേ​ശി​വ​ത്​​ക​ര​ണം ഏ​ർ​പ്പെ​ടു​ത്താ​ൽ മ​ന്ത്രാ​ല​യം പ്ര​തി​ജ്ഞാ​ബ​ദ്ധ​മാ​ണെ​ന്ന് അ​ധി​കൃ​ത​ർ വ്യ​ക്ത​മാ​ക്കി.