കരിവളക്കയ്യിൽ ഇനി കാഞ്ചിത്തഴമ്പ്​

കുവൈത്ത്​ സിറ്റി: എ.കെ. 47 എന്ന്​ കേട്ടി​േട്ടയുള്ളൂ. സംഗതി പിശകാണെന്ന്​ അറിയാം. അതേ തോക്ക്​ കൈയിലെടുത്തപ്പോൾ ആദ്യം കൈയൊന്ന്​ വിറച്ചു. പിന്നെ ധൈര്യം സംഭരിച്ച്​ ഉയർത്തി ഉന്നം പിടിച്ച്​ കാഞ്ചിയിൽ ആഞ്ഞൊരു വലി. ലക്ഷ്യം കൃ ത്യമാണ്​. സ്ത്രീകൾക്കെതിരായ അതിക്രമങ്ങൾ ക്രമാതീതായി വർധിച്ച കാലഘട്ടത്തിൽ സ്വയംപ്രതിരോധത്തിന്​ മടിച്ചുനിൽക്കരുതെന്ന സന്ദേശം പകരണം.

അതിനായാണ്​ ലോക മാതൃദിനത്തോടനുബന്ധിച്ച്​ മലയാളി വീട്ടമ്മമാരുടെ കൂട്ടായ്​മയായ മലയാളി മോംസ് മിഡിൽഈസ്​റ്റ്​ കുവൈത്ത്​ ചാപ്​റ്റർ വീട്ടമ്മമാർക്കായി ഷൂട്ടിങ്​ പരിശീലനം സംഘടിപ്പിച്ചത്​. കുവൈത്തിലെ മഅയ്ദീൻ ഷൂട്ടിങ്​ റേ​ഞ്ചിൽ നടന്ന ഷൂട്ടിങ്​ പരിശീലനത്തിന്​ അൽ കദാരി ഷൂട്ടിങ്​ ചാമ്പ്യൻഷിപ്പിൽ വിജയിയായ ശരണ്യദേവി നേതൃത്വം നൽകി.

അമ്മമാർ എ.കെ 47, എ.യു.ജി 223യിലും കുട്ടികൾ എയർ പിസ്​റ്റൾ, എയർ റൈഫിൾ തുടങ്ങിയവയിലും പരിശീലനം നടത്തി. തോക്ക്​ ഉപയോഗിക്കാൻ പഠിപ്പിക്കുകയെന്നതിനപ്പുറം ഓരോ പെൺകുട്ടിയും ബാല്യം മുതൽ പ്രതികരണ ശേഷിയുള്ളവരായും സ്വയരക്ഷക്കും അവകാശങ്ങൾക്ക​ുംവേണ്ടി പോരാടുന്നവളുമായി മാറണം എന്ന സന്ദേശം പകരാനാണ്​ സംഘാടകർ ലക്ഷ്യമിട്ടതെന്നും സ്ത്രീകളുടെ ഉന്നമനത്തിനായുള്ള വിവിധ പരിപാടികളുമായി ഇനിയും മുന്നോട്ടുപോവുമെന്നും കുവൈത്ത്​ ചാപ്റ്റർ അഡ്മിൻ സുമി ജോസ് പറഞ്ഞു.