സ്കൂളുകളിൽ അക്രമം വർധിക്കുന്നു; മന്ത്രാലയം ഇടപെടണമെന്ന് എം.പി
text_fieldsകുവൈത്ത് സിറ്റി: വിദ്യാലയങ്ങളിൽ അക്രമങ്ങൾ വർധിക്കുന്നതായും വിദ്യാഭ്യാസ മന്ത്രാ ലയം വിഷയത്തിൽ ഇടപെടണമെന്നും മുഹമ്മദ് അൽ ഹുവൈല എം.പി പറഞ്ഞു. അക്രമങ്ങളുടെ എണ്ണത് തിലും സ്വഭാവത്തിലും അടുത്തിടെ വലിയ വർധനയുണ്ടായിട്ടുണ്ട്.കുട്ടികൾക്കിടയിൽ നടക്കുന്ന സ്വാഭാവിക കശപിശകളിൽനിന്ന് മാറി ഗുരുതരമായ അക്രമപ്രവർത്തനങ്ങളിലേക്ക് കടക്കുന്നു. അക്രമവാസന ചെറുപ്പത്തിലേ ഇല്ലാതാക്കിയില്ലെങ്കിൽ സാമൂഹിക ജീവിതത്തിന് ഭീഷണിയാവുന്ന കുറ്റവാളികൾ സൃഷ്ടിക്കപ്പെടുന്നതിലേക്കാണ് അത് നയിക്കുക.
സ്കൂൾ അധികൃതരും വിദ്യാഭ്യാസ മന്ത്രാലയവും വിഷയം ഗൗരവത്തിലെടുത്ത് അടിയന്തര ഇടപെടൽ നടത്തണമെന്ന് പാർലമെൻറിെൻറ വിദ്യാഭ്യാസകാര്യ സമിതി വക്താവ് കൂടിയായ മുഹമ്മദ് അൽ ഹുവൈല പറഞ്ഞു. ബോധവത്കരണ പരിപാടികളും സ്വഭാവ സംസ്കരണ ക്ലാസുകളും വർധിപ്പിക്കണം. മതവിദ്യാഭ്യാസവും ധാർമിക ശിക്ഷണങ്ങളും കാര്യക്ഷമമാക്കണം. സ്കൂൾ അങ്കണത്തിൽ നിരീക്ഷണ കാമറകൾ വ്യാപകമാക്കണം. സ്ഥിരമായി അക്രമം നടക്കുന്ന ഭാഗങ്ങളിൽ ഉറപ്പായും കാമറ സ്ഥാപിക്കണം. കുട്ടികൾ തമ്മിലുള്ള ബന്ധം നന്നാക്കാനുള്ള പരിപാടികൾ ആസൂത്രിതമായി നടപ്പാക്കണമെന്നും ഇതിന് വിദ്യാഭ്യാസ മന്ത്രാലയം മുൻകൈ എടുക്കണമെന്നും അദ്ദേഹം ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.