കുവൈത്ത്​ സ്വദേശിവത്​കരണം: ഏപ്രിൽ ഒന്ന് മുതൽ സമയബന്ധിതമായി നടപ്പാക്കാൻ പദ്ധതി

കുവൈത്ത് സിറ്റി: അടുത്തമാസം തുടക്കം മുതൽ രാജ്യത്ത് സർക്കാർ മേഖലയിൽ സ്വദേശിവത്​കരണം സമയബന്ധിതമായി നടപ്പാ ക്കാൻ പദ്ധതി. സിവിൽ സർവിസ്​ കമീഷനുമായി ബന്ധപ്പെട്ട ഉന്നത വൃത്തങ്ങളെ ഉദ്ധരിച്ച് അൽ അൻബ പത്രമാണ് ഇക്കാര്യം റിപ് പോർട്ട് ചെയ്തത്.

ഇതി​​​െൻറ ഭാഗമായി വിവിധ വകുപ്പുകളിൽനിന്ന് ഒഴിവാക്കപ്പെടേണ്ട വിദേശികൾക്ക് ഇതിനകം വിവരം നൽകിയിട്ടുണ്ട്. മരവിപ്പിക്കേണ്ട തസ്​തികകൾ ഏതൊക്കെയാണെന്നും പിരിച്ചുവിടേണ്ട വിദേശികൾ ആരൊക്കെയാണെന്നതും സംബന്ധിച്ച പട്ടിക നേരത്തെ ബന്ധപ്പെട്ട വകുപ്പുകളുടെ അറിവോടെ തയാറാക്കിയതാണ്. ഇതിൽ സിവിൽ സർവിസ്​ കമീഷൻ ഇടപെട്ടിട്ടില്ല.

ആ പട്ടികയിലുൾപ്പെട്ടവരെയാണ് ഘട്ടംഘട്ടമായി ഒഴിവാക്കി പകരം സ്വദേശികളെ നിയമിക്കുക. അടുത്ത അഞ്ച് സാമ്പത്തിക വർഷത്തിനിടയിൽ പൂർത്തിയാക്കേണ്ട സ്വദേശിവത്​കരണത്തിന് കമീഷൻ തോത് നിശ്ചയിച്ചിട്ടുണ്ട്. വിദ്യാഭ്യാസ മന്ത്രാലയമുൾപ്പെടെ പൊതുമേഖലയിലെ ഒരു വകുപ്പിനും ഇതിൽ ഇളവ് നൽകില്ലെന്ന് കമീഷൻ വൃത്തങ്ങൾ വ്യക്തമാക്കി. വിദ്യാഭ്യാസ മന്ത്രാലയം, ആരോഗ്യ മന്ത്രാലയം തുടങ്ങി വിവിധ വകുപ്പുകൾ സ്വദേശിവത്​കരണത്തിൽ ഇളവ്​ ആവശ്യപ്പെട്ട്​ നേരത്തെ അപേക്ഷ നൽകിയിരുന്നു.

യോഗ്യരായ വേണ്ടത്ര ​സ്വദേശികളെ ലഭ്യമല്ലാത്തത്​ കാരണം ദൈനംദിനപ്രവർത്തനം ബുദ്ധിമുട്ടിലാവുമെന്നാണ്​ ഇവരുടെ വാദം. ഘട്ടംഘട്ടമായി സ്വദേശികളെ പരിശീലിപ്പിച്ച്​ വളർത്തിയെടുക്കണമെന്നാണ്​ സിവിൽ സർവിസ്​ കമീഷൻ പറയുന്നത്​.