നാലുമാസമായി ശമ്പളം ലഭിച്ചില്ല; തൊഴിലാളികൾ പ്രതിഷേധിച്ചു
text_fieldsകുവൈത്ത് സിറ്റി: നാലുമാസമായി ശമ്പളം ലഭിച്ചില്ലെന്നാരോപിച്ച് തൊഴിലാളികൾ പൊതുമരാമത്ത് മന്ത്രാലയം കെട്ടിടത്തിന് മുന്നിൽ പ്രതിഷേധിച്ചു. പൊതുമരാമത്ത് മന്ത്രാലയത്തിനുവേണ്ടി കരാർ ഏറ്റെടുത്ത് നടത്തുന്ന കമ്പനി തൊഴിലാളികളാണ് സമരത്തിനിറങ്ങിയത്. നിരവധി തവണ പരാതി നൽകിയിട്ടും പരിഹാരമാവാത്തതിനെ തുടർന്നാണ് പ്രത്യക്ഷ പ്രതിഷേധത്തിനിറങ്ങിയതെന്ന് തൊഴിലാളികൾ പറഞ്ഞു. 40 തൊഴിലാളികളാണ് ദുരിതത്തിലായത്. ജീവിതച്ചെലവ് ഉയർന്ന സാഹചര്യത്തിൽ നാലുമാസമായി ശമ്പളം ലഭിക്കാത്തതിനെ തുടർന്ന് പിടിച്ചുനിൽക്കാൻ കഴിയാതായെന്ന് ഇവർ പറഞ്ഞു. പൊതുമരാമത്ത് വകുപ്പും മന്ത്രി ഡോ. ജിനാൻ ബൂഷഹരിയും ഇടപെട്ട് പരിഹാരമുണ്ടാക്കുമെന്നാണ് പ്രതീക്ഷയെന്ന് പ്രതിഷേധക്കാർ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.