കുവൈത്ത് ആലുവ പ്രവാസി അസോ. കുടുംബസംഗമം
text_fieldsഅബൂഹലീഫ: കുവൈത്ത് ആലുവ പ്രവാസി അസോസിയേഷൻ കുടുംബസംഗമം അബൂഹലീഫയിൽ നടത്തി. കു ടുംബിനികൾക്കും കുട്ടികൾക്കും മുതിർന്നവർക്കും വേണ്ടി നിരവധി കായികവിനോദ പരിപാടികൾ ഒരുക്കി. യൂനിമണി മാർക്കറ്റിങ് മാനേജർ രഞ്ജിത്ത് പിള്ള ഉദ്ഘാടനം നിർവഹിച്ചു. പൊതുസമ്മേളനത്തിൽ പ്രസിഡൻറ് പ്രദീപ് മേനോൻ അധ്യക്ഷത വഹിച്ചു. സംഘടനയുടെ ജീവകാരുണ്യ പദ്ധതികളെക്കുറിച്ച് സാലിഹ് അലി വിവരിച്ചു. രാജേഷ് കൊച്ചി നയിക്കുന്ന ഡി.കെ ഡാൻസ് അവതരിപ്പിച്ച സിനിമാറ്റിക് ഡാൻസും ആസിഫ് കാസർകോട് നയിച്ച കോൽക്കളിയും മനീഷ് കരുനാഗപ്പിള്ളി നയിച്ച കുവൈത്ത് കോമഡി കിങ്സിെൻറ ഹാസ്യവിരുന്നും പരിപാടിക്ക് മാറ്റുകൂട്ടി. പങ്കെടുത്തവർക്കുള്ള സമ്മാനങ്ങൾ ഷിനു ശശിധരൻ, ഷെരീഫ് മുപ്പത്തടം, അക്ബർ പറമ്പയം, കാസിം കുന്നത്തേരി, നവാസ് കപ്രശ്ശേരി, ജാസിം ഉളിയന്നൂർ എന്നിവർ വിതരണം ചെയ്തു. കുവൈത്ത് പ്രവാസ ഭൂമികയിൽ 25 വർഷം പിന്നിട്ട ആലുവ നിവാസികളെ ചടങ്ങിൽ ആദരിച്ചു. കാപ്പ സെക്രട്ടറി സാലിഹ് അലി സ്വാഗതവും പ്രോഗ്രാം കൺവീനർ അബിൻ അഷ്റഫ് നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.