പ്രധാനമന്ത്രിക്കെതിരായ കുറ്റവിചാരണ നിയമകാര്യ സമിതിക്ക് വിടും
text_fieldsകുവൈ ത്ത് സിറ്റി: പാർലമെൻറിൽ ചൊവ്വാഴ്ച പരിഗണനക്കെത്തിയ പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അസ്സബാഹിനെതിരായ കുറ്റവിചാരണ നിയമകാര്യ സമിതിക്ക് വിടാൻ സഭ തീരുമാനിച്ചു. തീരുമാനത്തിന് അനുകൂലമായി 41 പേർ വോട്ടുചെയ്തപ്പോൾ 20 പേർ എതിർത്തു. രണ്ട് എം.പിമാർ വോട്ടെടുപ്പിൽനിന്ന് വിട്ടുനിന്നു. എം.പിമാരും മന്ത്രിമാരും അടക്കം ആകെ 63 പേരാണ് സഭയിലെത്തിയിരുന്നത്. മഴക്കെടുതികൾ നേരിടുന്നതിൽ സർക്കാർ സംവിധാനങ്ങൾ പരാജയപ്പെട്ടെന്ന് ചൂണ്ടിക്കാട്ടി പാർലമെൻറ് അംഗം ശുഐബ് അൽ മുവൈസരിയാണ് പ്രധാനമന്ത്രിക്കെതിരെ കുറ്റവിചാരണക്ക് നോട്ടീസ് നൽകിയത്. അപ്രതീക്ഷിതമായുണ്ടാകുന്ന പ്രകൃതിദുരന്തങ്ങൾ ചൂണ്ടിക്കാട്ടി കുറ്റവിചാരണ സമർപ്പിക്കുന്നതിെൻറ ഭരണഘടന സാധുതയടക്കം നിയമകാര്യ സമിതി പരിശോധിക്കും. അതിനുശേഷമായിരിക്കും പ്രധാനമന്ത്രിക്കെതിരെയുള്ള കുറ്റവിചാരണ പാർലമെൻറിൽ ചർച്ച ചെയ്യുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
