ദ്വീ​പ്​ വി​ക​സ​നം: കു​വൈ​ത്ത്​-ചൈ​ന ധാ​ര​ണ

കു​വൈ​ത്ത് സി​റ്റി: കു​വൈ​ത്തി​ലെ സി​ൽ​ക്ക്സി​റ്റി​യു​ടെ​യും അ​ഞ്ചു ദ്വീ​പു​ക​ളു​ടെ​യും വി​ക​സ​ന പ്ര​വൃ​ത്തി​ക​ൾ യാ​ഥാ​ർ​ഥ്യ​മാ​ക്കാ​ൻ കു​വൈ​ത്തും ചൈ​ന​യും ധാ​ര​ണ​പ്പ​ത്ര​ത്തി​ൽ ഒ​പ്പു​വെ​ച്ചു. ചൈ​നീ​സ്​ ത​ല​സ്​​ഥാ​ന​മാ​യ ബെ​യ്​​ജി​ങ്ങി​ൽ ന​ട​ന്ന ച​ട​ങ്ങി​ൽ കു​വൈ​ത്തി​നു​വേ​ണ്ടി സി​ൽ​ക്ക് സി​റ്റി-​ബൂ​ബ്​​യാ​ൻ ദ്വീ​പ് വി​ക​സ​ന കാ​ര്യ എ​ക്സി​ക്യു​ട്ടീ​വ് പ്ര​സി​ഡ​ൻ​റ് ഫൈ​സ​ൽ അ​ൽ മു​ദ്​​ല​ഹും ചൈ​ന​യെ പ്ര​തി​നി​ധാ​നം​ചെ​യ്​​ത്​ വി​ക​സ​ന-​പ​രി​ഷ്ക​ര​ണ സ​മി​തി ഉ​പ​മേ​ധാ​വി നെ​ഗോ സീ​യു​മാ​ണ് ക​രാ​റി​ൽ ഒ​പ്പു​വെ​ച്ച​ത്. വി​ശ​ദ​മാ​യ ച​ർ​ച്ച​ക​ൾ​ക്കു​ശേ​ഷ​മാ​ണ് ഇ​രു​വി​ഭാ​ഗ​വും പ​ദ്ധ​തി​യു​മാ​യി ബ​ന്ധ​പ്പെ​ട്ട അ​ന്തി​മ​ധാ​ര​ണ​യി​ലെ​ത്തി​യ​ത്. ദ്വീ​പ് വി​ക​സ​ന പ​ദ്ധ​തി​യി​ൽ പ​ങ്കാ​ളി​യാ​കു​ന്ന​തോ​ടെ ഇ​രു​രാ​ജ്യ​ങ്ങ​ൾ​ക്കു​മി​ട​യി​ലെ സ​ഹ​ക​ര​ണ-​സു​ഹൃ​ദ് ബ​ന്ധ​ങ്ങ​ൾ കൂ​ടു​ത​ൽ ശ​ക്തി​പ്പെ​ടു​മെ​ന്ന് ഇ​രു​വി​ഭാ​ഗ​വും പ്ര​തീ​ക്ഷ പു​ല​ർ​ത്തി.

അ​മീ​ർ ശൈ​ഖ് സ​ബാ​ഹ് അ​ൽ അ​ഹ്​​മ​ദ് അ​ൽ ജാ​ബി​ർ അ​സ്സ​ബാ​ഹ് അ​വ​സാ​നം ന​ട​ത്തി​യ ബെ​യ്​​ജി​ങ്​ സ​ന്ദ​ർ​ശ​ന​ത്തോ​ടെ കു​വൈ​ത്ത്-​ചൈ​ന സ​ഹ​ക​ര​ണം കൂ​ടു​ത​ൽ മേ​ഖ​ല​ക​ളി​ലേ​ക്ക് വ്യാ​പി​ച്ചി​ട്ടു​ണ്ട്. ജൂ​ലൈ​യി​ലെ അ​മീ​റി​​​െൻറ ചൈ​ന സ​ന്ദ​ർ​ശ​ന​ത്തി​നി​ടെ ഇ​രു​രാ​ജ്യ​ങ്ങ​ളും ഏ​ഴ് മേ​ഖ​ല​ക​ളി​ൽ സ​ഹ​ക​ര​ണം ഉ​റ​പ്പാ​ക്കു​ന്ന​തി​നു​ള്ള ക​രാ​റു​ക​ളി​ൽ ഒ​പ്പു​വെ​ച്ചു. രാ​ജ്യ​ത്തി​​​െൻറ സ​മൂ​ല വി​ക​സ​നം ല​ക്ഷ്യം​വെ​ച്ച് കു​വൈ​ത്ത് ന​ട​പ്പാ​ക്കു​ന്ന ‘വി​ഷ​ൻ 2035’ പ​ദ്ധ​തി​ക്കു​വേ​ണ്ടി ചൈ​ന ശാ​സ്​​ത്ര-​സാ​ങ്കേ​തി​ക സ​ഹാ​യ​ങ്ങ​ൾ ന​ൽ​കും. സി​ൽ​ക്ക് സി​റ്റി വി​ക​സ​ന​കാ​ര്യ സ​മി​തി അം​ഗ​ങ്ങ​ളാ​യ ബ​ദ​ർ അ​ൽ ഹാ​ജി​രി, ആ​ദി​ൽ അ​ൽ സ​ൽ​ഹാ​ത്ത്, മു​സാ​യി​ദ് ഷ​രീ​ദ എ​ന്നി​വ​രും ചൈ​നീ​സ്​ സ​ർ​ക്കാ​റി​ലെ മു​തി​ർ​ന്ന ഉ​ദ്യോ​ഗ​സ്​​ഥ​രും ഒ​പ്പു​വെ​ക്ക​ൽ ച​ട​ങ്ങി​ൽ സം​ബ​ന്ധി​ച്ചു.