തൊഴിലാളി റിക്രൂട്ട്മെൻറ് ലാവോസുമായി കുവൈത്ത് ധാരണയിലെത്തി
text_fieldsകുവൈത്ത് സിറ്റി: കുവൈത്തിലേക്ക് ലാവോസിൽനിന്ന് തൊഴിലാളികളെ കൊണ്ടുവരാൻ ധാരണയായി. തൊഴിൽ- സാമൂഹികക്ഷേമമന്ത്രി ഹിന്ദ് അസ്സബീഹ് ലാവോസ് സന്ദർശിച്ചാണ് ഇക്കാര്യത്തിൽ ധാരണയിലെത്തിയത്. ഔദ്യോഗിക സന്ദർശന ഭാഗമായി ലാവോസിലെത്തിയ മന്ത്രി അവിടത്തെ തൊഴിൽ മന്ത്രിയുമായും തൊഴിൽ വകുപ്പ് അധികൃതരുമായും ചർച്ച നടത്തി. ഇതുമായി ബന്ധപ്പെട്ട തുടർ നടപടികൾ ഇരു രാജ്യങ്ങളിലെയും തൊഴിൽ മന്ത്രാലയങ്ങളുടെ ആഭിമുഖ്യത്തിൽ തുടരും. ഗാർഹിക തൊഴിലാളികൾക്കുപുറമെ സ്വകാര്യ മേഖലയിലെ കമ്പനികളിലേക്കും ലാവോസിൽനിന്ന് തൊഴിലാളികളെ ലഭ്യമാക്കാനാണ് നീക്കം. പദ്ധതി യാഥാർഥ്യമാകുന്നതോടെ പുതിയ രാജ്യക്കാർക്കുകൂടി കുവൈത്തിെൻറ തൊഴിൽ വിപണി ഉപയോഗപ്പെടുത്താനാകും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
