ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടി കു​വൈ​ത്ത്

കു​വൈ​ത്ത് സി​റ്റി: മ​ധ്യ​വേ​ന​ല​വ​ധി ക​ഴി​ഞ്ഞ് ഞാ​യ​റാ​ഴ്ച​യോ​ടെ സെ​ക്ക​ൻ​ഡ​റി സ്​​കൂ​ളു​ക​ളും യൂ​നി​വേ​ഴ്സി​റ്റി​ക​ളു​മ​ട​ക്കം കു​വൈ​ത്തി​ൽ മു​ഴു​വ​ൻ വി​ദ്യാ​ല​യ​ങ്ങ​ളും പ്ര​വ​ർ​ത്ത​ന​മാ​രം​ഭി​ച്ചു. ഇ​തോ​ടെ ഗ​താ​ഗ​ത​കു​രു​ക്കി​ൽ​പ്പെ​ട്ട് രാ​ജ്യ​ത്തെ പ്ര​ധാ​ന–​ആ​ഭ്യ​ന്ത​ര റോ​ഡു​ക​ള​ട​ക്കം വീ​ർ​പ്പ് മു​ട്ടാ​നും തു​ട​ങ്ങി. പ​തി​വു​പോ​ലെ സ്​​കൂ​ളു​ക​ൾ​ക്കും കോ​ള​ജു​ക​ൾ​ക്കും സ​മീ​പ​മു​ള്ള റോ​ഡു​ക​ളി​ലാ​ണ് വാ​ഹ​ന​ത്തി​ര​ക്ക് കൂ​ടു​ത​ൽ രൂ​ക്ഷ​മാ​യി അ​നു​ഭ​വ​പ്പെ​ടു​ന്ന​ത്. ത​ട​സ്സം നീ​ക്കി റോ​ഡ് ഗ​താ​ഗ​തം എ​ളു​പ്പ​മാ​ക്കു​ന്ന​തി​ന് ആ​ഭ്യ​ന്ത​ര​മ​ന്ത്രാ​ല​യം വ​ൻ ശ്ര​മ​ങ്ങ​ളാ​ണ് ന​ട​ത്തു​ന്ന​ത്. ആ​റ് ഗ​വ​ർ​ണ​റേ​റ്റു​ക​ളി​ലാ​യി ഇ​തി​നു​വേ​ണ്ടി മ​ന്ത്രാ​ല​യ​ത്തി​െൻറ 240 പെേ​ട്രാ​ൾ വാ​ഹ​ന​ങ്ങ​ളാ​ണ് മു​ഴു​സ​മ​യ​വും പ്ര​വ​ർ​ത്ത​ന സ​ജ്ജ​മാ​യി​രി​ക്കു​ന്ന​ത്.

രാ​വി​ലെ സ്​​കൂ​ളു​ക​ൾ ആ​രം​ഭി​ക്കു​മ്പോ​ഴും ഉ​ച്ച​ക്ക് വി​ടു​മ്പോ​ഴും ഗ​താ​ഗ​ത​ക്കു​രു​ക്ക് പ​ര​മാ​വ​ധി കു​റ​ച്ച് ഗ​താ​ഗ​തം എ​ളു​പ്പ​മാ​ക്കാ​നാ​ണ് ഇ​വ​ർ​ക്ക് ന​ൽ​കി​യ നി​ർ​ദേ​ശം. പ്ര​ധാ​ന​മ​ന്ത്രി ശൈ​ഖ് ജാ​ബി​ർ അ​ൽ മു​ബാ​റ​ക് അ​ൽ ഹ​മ​ദ് അ​സ്സ​ബാ​ഹി​െൻറ നി​ർ​ദേ​ശ പ്ര​കാ​രം ആ​ഭ്യ​ന്ത​ര​മ​ന്ത്രി ശൈ​ഖ് ഖാ​ലി​ദ് അ​ൽ ജ​ർ​റാ​ഹ് ആ​ണ് ഇ​ത് സം​ബ​ന്ധി​ച്ച് ഉ​ത്ത​ര​വ് ഇ​റ​ക്കി​യ​ത്. അ​തി​നി​ടെ, ഈ ​ന​ട​പ​ടി​ക​ളെ​ല്ലാ​മു​ണ്ടാ​യി​ട്ടും ക​ഴി​ഞ്ഞ ദി​വ​സം ഗ​താ​ഗ​ത​ക്കു​രു​ക്കി​ന് ഒ​രു കു​റ​വും ഉ​ണ്ടാ​യി​ട്ടി​ല്ലെ​ന്ന​താ​ണ് വ​സ്​​തു​ത. ട്രാ​ഫി​ക് വ​കു​പ്പി​ലെ മു​തി​ർ​ന്ന ഉ​ദ്യോ​ഗ​സ്​​ഥ​ര​ട​ക്കം ഇ​ട​പെ​ട്ടാ​ണ് ഞാ​യ​റാ​ഴ്ച വാ​ഹ​ന​ങ്ങ​ളു​ടെ ഗ​താ​ഗ​ത നീ​ക്കം നി​യ​ന്ത്രി​ച്ച​ത്.

വി​ദ്യാ​ർ​ഥി​ക​ൾ വാ​ഹ​ന​ങ്ങ​ളി​ൽ ക​യ​റു​ന്ന നേ​ര​ങ്ങ​ളി​ൽ സ്​​കൂ​ളു​ക​ൾ​ക്ക് മു​ന്നി​ൽ സു​ര​ക്ഷാ ഉ​ദ്യോ​ഗ​സ്​​ഥ​രു​ടെ സാ​ന്നി​ധ്യ​മു​ണ്ടാ​യി​രി​ക്ക​ണ​മെ​ന്ന് ശ​ക്ത​മാ​യ നി​ർ​ദേ​ശ​മു​ണ്ട്. ഇ​ത്ത​രം നി​ബ​ന്ധ​ന​ക​ൾ പാ​ലി​ക്ക​പ്പെ​ടു​ന്നു​ണ്ടോ​യെ​ന്ന് നി​രീ​ക്ഷി​ക്കാ​നു​ള്ള സം​വി​ധാ​ന​വും മ​ന്ത്രാ​ല​യ​ത്തി​െൻറ ഭാ​ഗ​ത്തു​നി​ന്നു​ണ്ട്. ഇ​െ​ത​ല്ലാ​മു​ണ്ടാ​യി​ട്ടും മു​ൻ​കാ​ല​ങ്ങ​ളി​ലേ​തു​പോ​ലെ വി​ദ്യാ​ല​യ​ങ്ങ​ൾ തു​റ​ക്കു​മ്പോ​ഴേ​ക്ക് ഗ​താ​ഗ​ത​ക്കു​രു​ക്ക് ആ​വ​ർ​ത്തി​ക്കു​ന്ന കാ​ഴ്ച​യാ​ണ് ഈ ​വ​ർ​ഷ​വും ക​ണ്ട​ത്.