കുവൈത്ത്-കുർദിസ്ഥാൻ ബന്ധം ശക്തിപ്പെടുത്തും
text_fieldsകുർദിസ്ഥാൻ പ്രസിഡന്റ് നെച്ചിർവാൻ ബർസാനിയും മേഖലയിലെ കുവൈത്ത് കോൺസൽ ജനറൽ ഡോ. ഒമർ അൽ കന്താരിയും കൂടിക്കാഴ്ച നടത്തുന്നു
കുവൈത്ത് സിറ്റി: കുവൈത്തുമായുള്ള ബന്ധം ശക്തിപ്പെടുത്താനുള്ള ഇറാഖിന്റെയും കുർദിസ്ഥാൻ മേഖലയുടെയും ആഗ്രഹം ഇറാഖിലെ കുർദിസ്ഥാൻ മേഖലയുടെ പ്രസിഡന്റ് നെച്ചിർവാൻ ബർസാനി പ്രകടിപ്പിച്ചു. കുർദിസ്ഥാൻ മേഖലയിലെ കുവൈത്ത് കോൺസൽ സേവനം അവസാനിപ്പിക്കുന്ന കോൺസൽ ജനറൽ ഡോ. ഒമർ അൽ കന്താരിയുമായുള്ള കൂടിക്കാഴ്ചയിലാണ് അദ്ദേഹം ഇക്കാര്യം പറഞ്ഞത്. കുർദിസ്ഥാനും ഇറാഖും തമ്മിലുള്ള ബന്ധം ശക്തിപ്പെടുത്തുന്നതിൽ അൽ കന്താരി വഹിച്ച പങ്കിനെ ബർസാനി അഭിനന്ദിച്ചു. വിവിധ മേഖലകളിൽ കുവൈത്ത് കുർദിസ്ഥാൻ മേഖലക്ക് നൽകുന്ന സഹായങ്ങളെ ബർസാനി അഭിനന്ദിച്ചു. ഇറാഖിലെയും ലോകത്തെയും രാഷ്ട്രീയ, സുരക്ഷ സംഭവവികാസങ്ങളും പൊതുവായ വിഷയങ്ങളും ഇരുവരുടെയും കൂടിക്കാഴ്ചയിൽ ഉയർന്നുവന്നു. കുർദിസ്ഥാനിൽ താമസിച്ച കാലത്തെ കന്താരിയുടെ പ്രവർത്തനങ്ങളുടെ സംഗ്രഹം കോൺസൽ പുറത്തിറക്കി. കുർദിസ്ഥാനിലെ കുവൈത്ത് നയതന്ത്ര സംഘത്തെ നയിക്കുന്ന ആദ്യ കുവൈത്ത് നയതന്ത്രജ്ഞനാണ് ഡോ. ഒമർ അൽ കന്താരി. തന്റെ സേവനകാലത്തിനിടയിൽ അദ്ദേഹം വിപുലമായ ബന്ധങ്ങളുടെ ശൃംഖല സ്ഥാപിക്കുകയും കുർദിസ്ഥാനിലെ അഭയാർഥികൾക്കും കുടിയൊഴിപ്പിക്കപ്പെട്ടവർക്കും വേണ്ടി കുവൈത്ത് മാനുഷിക കാമ്പയിന് മേൽനോട്ടം വഹിക്കുകയും ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

