കുവൈത്ത് ജാബിർ സ്​റ്റേഡിയത്തിൽ 5000 കിടക്കകളുള്ള ക്വാറ​ന്‍റീൻ കേന്ദ്രം നിർമിച്ചു

കുവൈത്ത്​ സിറ്റി: പൊതുമരാമത്ത്​ മന്ത്രാലയം ശൈഖ്​ ജാബിർ സ്​റ്റേഡിയത്തിൽ 5000 കിടക്കയുള്ള ക്വാറ​ന്‍റീൻ സ​െൻറർ നിർമിച്ചു. മൂന്ന്​ ആഴ്​ച കൊണ്ടാണ്​ ഫീൽഡ്​ മെഡിക്കൽ സ​െൻറർ, നഴ്​സുമാർക്കും ആരോഗ്യ പ്രവർത്തകർക്കും താമസിക്കാനുള്ള സൗകര്യം, ​െഎ.സി.യു, ഫാർമസി എന്നിവയുൾക്കൊള്ളുന്ന കേന്ദ്രം സ്ഥാപിച്ചത്​.

കുവൈത്ത്​ റെഡ്​ ക്രെസന്‍റ്​ സൊസൈറ്റി വളണ്ടിയമാരുടെ സന്നദ്ധ സേവനവും ഉപയോഗിച്ചു. 1250 കിടക്കകളുള്ള സെക്ഷൻ ശനിയാഴ്​ച നടന്ന ചടങ്ങിൽ ആരോഗ്യ മന്ത്രാലയം ഏറ്റുവാങ്ങി. ബാക്കിയുള്ളവ പിന്നീട്​ ഏറ്റുവാങ്ങും. പൊതുമരാമത്ത്​ മന്ത്രി ഡോ. റന. അൽ ഫാരിസി, ആരോഗ്യ മന്ത്രി ഡോ. ബാസിൽ അസ്സബാഹ്​, അണ്ടർ സെക്രട്ടറി ഇസ്​മായിൽ അൽ ഫൈലകാവി തുടങ്ങി പ്രമുഖർ ചടങ്ങിൽ സംബന്ധിച്ചു.

രാജ്യത്ത്​ കോവിഡ്​ ബാധിതരുടെ എണ്ണം വർധിച്ചുവരുന്ന പശ്ചാത്തലത്തിലാണ്​ കൂടുതൽ ചികിത്സാ സൗകര്യവും നിരീക്ഷണ കേന്ദ്രങ്ങളും സ്ഥാപിക്കുന്നത്​. നിർമാണം പെ​െട്ടന്ന്​ പൂർത്തീകരിക്കാൻ റെഡ്​ ക്രെസൻറ്​ സൊസൈറ്റി വളണ്ടിയർമാരുടെ സേവനം ഉപകാരമായി. കൂടുതൽ നിരീക്ഷണ കേന്ദ്രങ്ങൾ രാജ്യത്തി​​െൻറ വിവിധ ഭാഗങ്ങളിലായി നിർമിക്കാൻ ആലോചിക്കുന്നു.