ഇ​സ്രാ​യേ​ൽ -​ഇ​റാ​ൻ സം​ഘ​ർ​ഷം; സാ​ഹ​ച​ര്യ​ങ്ങ​ൾ സൂ​ക്ഷ്മ​മാ​യി വി​ല​യി​രു​ത്തി കു​വൈ​ത്ത്

കു​വൈ​ത്ത് സി​റ്റി: ഇ​റാ​നെ​തി​രാ​യ ഇ​സ്രാ​യേ​ലി​ന്റെ ആ​ക്ര​മ​ണ​ങ്ങ​ളെ തു​ട​ർ​ന്ന് മേ​ഖ​ല​യി​ൽ രൂ​പ​പ്പെ​ട്ട സം​ഘ​ർ​ഷാ​വ​സ്ഥ​യി​ൽ ക​രു​ത​ലോ​ടെ കു​വൈ​ത്ത്. ഇ​രു രാ​ജ്യ​ങ്ങ​ളും പ്ര​ത്യാ​ക്ര​മ​ണ​ങ്ങ​ൾ ശ​ക്ത​മാ​ക്കി​യാ​ൽ ഗ​ൾ​ഫ് രാ​ജ്യ​ങ്ങ​ളി​ൽ അ​തി​ന്റെ പ്ര​ത്യാ​ഘാ​ത​ങ്ങ​ളു​ണ്ടാ​കും. ജി.​സി.​സി രാ​ജ്യ​ങ്ങ​ളി​ലെ വി​ദേ​ശ​കാ​ര്യ മ​ന്ത്രാ​ല​യ​ങ്ങ​ളെ​ല്ലാം ഇ​സ്രാ​യേ​ലി ആ​ക്ര​മ​ണ​ങ്ങ​ളെ അ​പ​ല​പി​ക്കു​ക​യും സം​ഘ​ർ​ഷ​ത്തി​ന് ന​യ​ത​ന്ത്ര പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തി​ട്ടു​ണ്ട്. ലെ​ബ​നാ​നും ജോ​ർ​ഡ​നും സ​മാ​ന​മാ​യ പ്ര​സ്താ​വ​ന​ക​ൾ പു​റ​പ്പെ​ടു​വി​ക്കു​ക​യു​മു​ണ്ടാ​യി.

സം​ഘ​ർ​ഷം രാ​ജ്യ​ത്തെ ബാ​ധി​ക്കാ​തി​രി​ക്കാ​തി​രി​ക്കാ​നു​ള്ള ജാ​ഗ്ര​ത​യി​ലാ​ണ് കു​വൈ​ത്ത്. നി​ല​വി​ലെ സാ​ഹ​ച​ര്യ​ങ്ങ​ൾ സൂ​ക്ഷ്മ​മാ​യി വി​ല​യി​രു​ത്തി മു​ന്നൊ​രു​ക്ക​ങ്ങ​ൾ ന​ട​ന്നു​വ​രുക​യാ​ണ്. സ്ഥി​തി​ഗ​തി​ക​ൾ ശാ​ന്ത​മാ​ക്കു​ന്ന​തി​നും മേ​ഖ​ല​യി​ലെ സു​ര​ക്ഷ​യും സ്ഥി​ര​ത​യും നി​ല​നി​ർ​ത്തു​ന്ന​തി​നും യോ​ജി​ച്ച ന​യ​ത​ന്ത്ര, രാ​ഷ്ട്രീ​യ ശ്ര​മ​ങ്ങ​ൾ വേ​ണ​മെ​ന്ന നി​ല​പാ​ടി​ലാ​ണ് കു​വൈ​ത്ത്.

മേ​ഖ​ല​യു​ടെ സു​ര​ക്ഷ​യും സ്ഥി​ര​ത​യും സം​ര​ക്ഷി​ക്കു​ന്ന​തി​നും ഇ​സ്രാ​യേ​ൽ ആ​ക്ര​മ​ണ​ങ്ങ​ളും ലം​ഘ​ന​ങ്ങ​ളും അ​വ​സാ​നി​പ്പി​ക്കു​ന്ന​തി​നും അ​ന്താ​രാ​ഷ്ട്ര സ​മൂ​ഹ​വും ഐ​ക്യ​രാ​ഷ്ട്ര​സ​ഭ സു​ര​ക്ഷാ കൗ​ൺ​സി​ലും ഇ​ട​പെ​ട​ണ​മെ​ന്നും ആ​വ​ശ്യ​പ്പെ​ട്ടി​ട്ടു​ണ്ട്. ഇ​സ്രാ​യേ​ൽ ആ​ക്ര​മ​ണ​ത്തി​ൽ ഇ​റാ​നും ജ​ന​ങ്ങ​ൾ​ക്കും കു​വൈ​ത്ത് ഐ​ക്യ​ദാ​ർ​ഢ്യ​വും പ്ര​ഖ്യാ​പി​ച്ചു. ഇ​സ്രാ​യേ​ൽ ന​ട​പ​ടി അ​ന്താ​രാ​ഷ്ട്ര നി​യ​മ​ങ്ങ​ളു​ടെ ന​ഗ്ന​മാ​യ ലം​ഘ​ന​വും ഇ​റാ​ന്റെ പ​ര​മാ​ധി​കാ​ര​ത്തി​ലേ​ക്കു​ള്ള ക​ട​ന്നു​ക​യ​റ്റ​വു​മാ​ണെ​ന്നും കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം ചൂ​ണ്ടി​ക്കാ​ട്ടി.

ഗ​ൾ​ഫ് മേ​ഖ​ല​യി​ൽ പ്ര​ത്യാ​ഘാ​ത​ങ്ങ​ൾ ഏ​റെ

കു​വൈ​ത്ത് സി​റ്റി: ഇ​സ്രാ​യേ​ൽ-​ഇ​റാ​ൻ ആ​ക്ര​മ​ണ​ങ്ങ​ൾ വ​ർ​ധി​ക്കു​ന്ന​ത് ഗ​ൾ​ഫ് മേ​ഖ​ല​യി​ൽ വ​ലി​യ പ്ര​ത്യാ​ഘാ​ത​ങ്ങ​ൾ​ക്കി​ട​യാ​ക്കും. ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തി​ന് പി​റ​കെ ഇ​റാ​നും തി​രി​ച്ച​ടി ശ​ക്ത​മാ​ക്കി​യ​ത് യു​ദ്ധം വ്യാ​പി​ക്കു​മോ എ​ന്ന ഭീ​തി ഉ​യ​ർ​ത്തി​യി​ട്ടു​ണ്ട്. വി​മാ​ന സ​ർ​വി​സു​ക​ളു​ടെ താ​ളം തെ​റ്റ​ൽ, വാ​ണി​ജ്യ വി​മാ​ന​ക്ക​മ്പ​നി​ക​ൾ​ക്ക് വ​ൻ ന​ഷ്ട​ങ്ങ​ൾ, എ​ണ്ണ​വി​ല​യി​ലെ കു​തി​ച്ചു​ചാ​ട്ടം, പ​ശ്ചി​മേ​ഷ്യ​ൻ മേ​ഖ​ല​യെ ആ​ഗോ​ള സൈ​നി​ക സം​ഘ​ട്ട​ന​ത്തി​ലേ​ക്ക് ന​യി​ക്ക​ൽ എ​ന്നി​വ ഇ​സ്രാ​യേ​ൽ -ഇ​റാ​ൻ സം​ഘ​ർ​ഷ​ത്തി​ന്റെ ഭാ​ഗ​മാ​യി ഉ​ട​ലെ​ടു​ക്കാം.

എ​ണ്ണ​വി​ല​യി​ൽ കു​തി​പ്പ്

വെ​ള്ളി​യാ​ഴ്ച പു​ല​ർ​ച്ച ന​ട​ന്ന ഇ​സ്രാ​യേ​ലി​ന്റെ ആ​ദ്യ മി​സൈ​ൽ ആ​ക്ര​മ​ണ​ങ്ങ​ൾ​ക്ക് പി​റ​കെ എ​ണ്ണ​വി​ല​യി​ൽ കു​തി​ച്ചു​ചാ​ട്ടം പ്ര​ക​ട​മാ​യി. മ​ധ്യ​പൂ​ർ​വേ​ഷ്യ​യി​ലെ പ്ര​ധാ​ന എ​ണ്ണ ഉ​ൽ​പാ​ദ​ന രാ​ജ്യ​ങ്ങ​ളെ സം​ഘ​ർ​ഷം പ​ല​രൂ​പ​ത്തി​ൽ ബാ​ധി​ക്കു​മെ​ന്ന​തി​നാ​ൽ എ​ണ്ണ​വി​ല ഉ​യ​ർ​ത്തും.

വ്യോ​മ​യാ​ന റൂ​ട്ടു​ക​ളി​ലെ ത​ട​സ്സ​ങ്ങ​ൾ

വി​മാ​ന​ങ്ങ​ളു​ടെ വ​ൻ​തോ​തി​ലു​ള്ള വ​ഴി​തി​രി​ച്ചു വി​ട​ലു​ക​ളും ഇ​റാ​ൻ വ്യോ​മാ​തി​ർ​ത്തി ഒ​ഴി​വാ​ക്ക​ലും അ​ന്താ​രാ​ഷ്ട്ര വ്യോ​മ​യാ​ന​ത്തെ പ്ര​തി​കൂ​ല​മാ​യി ബാ​ധി​ക്കും. പ​ശ്ചി​മേ​ഷ്യ​യി​ലും കി​ഴ​ക്ക​ൻ മേ​ഖ​ല​യി​ലും സ​ർ​വി​സ് ന​ട​ത്തു​ന്ന വി​മാ​ന​ക്ക​മ്പ​നി​ക​ൾ​ക്ക് ഇ​റാ​നെ ഒ​ഴി​വാ​ക്കി​യു​ള്ള സ​ർ​വി​സു​ക​ൾ സ​മ​യ ന​ഷ്ടം, വ​ർ​ധി​ച്ച ഇ​ന്ധ​ന​ച്ചെ​ല​വ് എ​ന്നി​വ​ക്ക് കാ​ര​ണ​മാ​കും. യൂ​റോ​പ്പി​ൽ​നി​ന്ന് ഏ​ഷ്യ​യി​ലേ​ക്കു​ള്ള യാ​ത്ര​ക​ളെ ഇ​തു ബാ​ധി​ക്കും. ഇ​സ്രാ​യേ​ൽ -ഇ​റാ​ൻ മി​സൈ​ൽ ആ​ക്ര​മ​ണം ഇ​റാ​നും ഇ​സ്രാ​യേ​ലി​നും ഇ​ട​യി​ൽ സ​ർ​വി​സ് ന​ട​ത്തു​ന്ന മ​റ്റു വി​മാ​ന​ങ്ങ​ളെ​യും അ​യ​ൽ രാ​ജ്യ​ങ്ങ​ളു​ടെ വി​മാ​ന സ​ർ​വി​സു​ക​ളെ​യും ബാ​ധി​ക്കും.

അ​യ​ൽ​രാ​ജ്യ​ങ്ങ​ളെ ബാ​ധി​ക്കും

വി​ദൂ​ര ദേ​ശ​ങ്ങ​ളി​ലു​ള്ള ഇ​സ്രാ​യേ​ലും ഇ​റാ​നും മി​സൈ​ലു​ക​ൾ തൊ​ടു​ത്തു​വി​ടു​ന്ന​ത് തു​ട​രു​ക​യാ​ണ്. ഇ​തി​ന്റെ പ്ര​ത്യാ​ഘാ​ത​ങ്ങ​ൾ അ​യ​ൽ​രാ​ജ്യ​ങ്ങ​ളെ ബാ​ധി​ക്കും.

ഇ​രു രാ​ജ്യ​ങ്ങ​ൾ​ക്കു​മി​ട​യി​ലു​ള്ള ഇ​റാ​ഖ്, സി​റി​യ, ജോ​ർ​ഡ​ർ, ലെ​ബ​നാ​ൻ എ​ന്നി​വി​ട​ങ്ങ​ളി​ലെ​ല്ലാം പ്ര​ത്യാ​ഘാ​ത​ങ്ങ​ൾ ഉ​ണ്ടാ​കാം. ക​ഴി​ഞ്ഞ ദി​വ​സം ഇ​സ്രാ​യേ​ൽ ത​ട​ഞ്ഞ മി​സൈ​ലു​ക​ൾ തെ​ക്ക​ൻ സി​റി​യ​യി​ൽ പൊ​ട്ടി​ത്തെ​റി​ച്ച​താ​യി റി​പ്പോ​ർ​ട്ടു​ണ്ട്. ജോ​ർ​ഡ​ൻ വി​മാ​ന​ങ്ങ​ൾ​ക്കും ആ​കാ​ശ​ത്ത് പ്ര​ശ്ന​ങ്ങ​ൾ അ​നു​ഭ​വ​പ്പെ​ട്ടു.

കു​വൈ​ത്ത് എ​യ​ർ​വേ​സ് വി​വി​ധ സ​ർ​വി​സു​ക​ൾ റ​ദ്ദാ​ക്കി

കു​വൈ​ത്ത് സി​റ്റി: മേ​ഖ​ല​യി​ലെ നി​ല​വി​ലെ സാ​ഹ​ച​ര്യം ക​ണ​ക്കി​ലെ​ടു​ത്ത് ശ​നി​യാ​ഴ്ച വി​വി​ധ സ​ർ​വി​സു​ക​ൾ റ​ദ്ദാ​ക്കി​യ​താ​യി കു​വൈ​ത്ത് എ​യ​ർ​വേ​സ് അ​റി​യി​ച്ചു.

യാ​ത്ര​ക്കാ​രു​ടെ സു​ര​ക്ഷ​യെ മു​ൻ​നി​ർ​ത്തി​യാ​ണ് ന​ട​പ​ടി. കു​വൈ​ത്ത്- അ​മ്മാ​ൻ, അ​മ്മാ​ൻ-​കു​വൈ​ത്ത്, കു​വൈ​ത്ത്-​ബൈ​റൂ​ത്ത്, ബൈ​റൂ​ത്ത്-​കു​വൈ​ത്ത് സ​ർ​വി​സു​ക​ൾ റ​ദ്ദാ​ക്കി​യ​വ​യി​ൽ ഉ​ൾ​പ്പെ​ടു​ന്നു.

സു​ര​ക്ഷ സാ​ഹ​ച​ര്യം വി​ല​യി​രു​ത്തി ഡ​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ ഏ​വി​യേ​ഷ​നു​മാ​യും വി​ദേ​ശ​കാ​ര്യ മ​ന്ത്രാ​ല​യ​വു​മാ​യും ഏ​കോ​പി​പ്പി​ച്ച​തി​നു​ശേ​ഷ​വു​മാ​ണ് റ​ദ്ദാ​ക്ക​ൽ തീ​രു​മാ​ന​മെ​ടു​ത്ത​തെ​ന്ന് കു​വൈ​ത്ത് എ​യ​ർ​വേസ് വ്യ​ക്ത​മാ​ക്കി. യാ​ത്ര റി​സ​ർ​വേ​ഷ​നു​ക​ളി​ൽ ര​ജി​സ്റ്റ​ർ ചെ​യ്തി​ട്ടു​ള്ള കോ​ൺ​ടാ​ക്ട് വി​വ​ര​ങ്ങ​ൾ അ​നു​സ​രി​ച്ച് യാ​ത്ര​ക്കാ​രെ വി​വ​ര​ങ്ങ​ൾ അ​റി​യി​ക്കും.

ജാ​ഗ്ര​ത പാ​ലി​ക്കാ​ൻ നി​ർ​ദേ​ശം

കു​വൈ​ത്ത് സി​റ്റി: ഇ​സ്രാ​യേ​ൽ-​ഇ​റാ​ൻ സം​ഘ​ർ​ഷ​ത്തി​ന്റെ പ​ശ്ചാ​ത്ത​ല​ത്തി​ൽ സം​ഘ​ർ​ഷ​ഭ​രി​ത​ പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന പൗ​ര​ന്മാ​രോ​ട് അ​തീ​വ ജാ​ഗ്ര​ത പാ​ലി​ക്കാ​നും മേ​ഖ​ല​യി​ലെ സാ​ഹ​ച​ര്യ​ങ്ങ​ൾ നി​രീ​ക്ഷി​ക്കാ​നും കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം ആ​വ​ശ്യ​പ്പെ​ട്ടു.

കു​വൈ​ത്ത് പൗ​ര​ന്മാ​ർ സു​ര​ക്ഷ മു​ൻ​ക​രു​ത​ലു​ക​ൾ പാ​ലി​ക്ക​ണം. ആ​വ​ശ്യ​മെ​ങ്കി​ൽ അ​വ​രു​ടെ പ്ര​ദേ​ശ​ങ്ങ​ൾ വി​ട്ടു​പോ​കാ​ൻ ത​യാ​റാ​വ​ണ​മെ​ന്നും മ​ന്ത്രാ​ല​യം പ​റ​ഞ്ഞു. അ​ടി​യ​ന്ത​ര സാ​ഹ​ച​ര്യ​ങ്ങ​ൾ നേ​രി​ടു​ന്ന പൗ​ര​ന്മാ​രോ​ട് 159-965 +, 22225504-965 + എ​ന്നീ ഫോ​ൺ ന​മ്പ​റു​ക​ളി​ൽ സ​ഹാ​യം തേ​ടാ​ൻ ആ​വ​ശ്യ​പ്പെ​ട്ടു.

സം​ഭ​വ​വി​കാ​സ​ങ്ങ​ൾ നിരീക്ഷിച്ച് വി​ദേ​ശ​കാ​ര്യ മ​ന്ത്രാ​ല​യം

കു​വൈ​ത്ത് സി​റ്റി: ഇ​റാ​നി​ൽ ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ങ്ങ​ളെ​ത്തു​ട​ർ​ന്ന് മേ​ഖ​ല​യി​ലെ സം​ഭ​വ​വി​കാ​സ​ങ്ങ​ൾ വി​ല​യി​രു​ത്തി വി​ദേ​ശ​കാ​ര്യ​മ​ന്ത്രാ​ല​യം. വി​വി​ധ രാ​ജ്യ​ങ്ങ​ളി​ലെ വി​ദേ​ശ​കാ​ര്യ​മ​ന്ത്രി​മാ​രു​മാ​യി ബ​ന്ധ​പ്പെ​ട്ട് സം​ഘ​ർ​ഷം ല​ഘൂ​ക​രി​ക്കു​ന്ന​തി​നു​ള്ള നീ​ക്ക​ങ്ങ​ളും ന​ട​ത്തി​വ​രി​ക​യാ​ണ്.

വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ് യ​യും ബ​ഹ്‌​റൈ​ൻ വി​ദേ​ശ​കാ​ര്യ മ​ന്ത്രി അ​ബ്ദു​ല്ല​ത്തീ​ഫ് അ​ൽ സ​യാ​നി​യും ശ​നി​യാ​ഴ്ച വി​ഷ​യം ച​ർ​ച്ച ചെ​യ്തു. മേ​ഖ​ല​യി​ലെ സൈ​നി​ക സം​ഘ​ർ​ഷം വ​ർ​ധി​പ്പി​ക്കു​ന്ന​തി​ന്റെ പ്ര​ത്യാ​ഘാ​ത​ങ്ങ​ൾ, സം​യു​ക്ത സ​ഹ​ക​ര​ണം ശ​ക്തി​പ്പെ​ടു​ത്ത​ൽ, മേ​ഖ​ല​യെ സ്ഥി​ര​പ്പെ​ടു​ത്താ​നു​ള്ള ശ്ര​മ​ങ്ങ​ൾ എ​ന്നി​വ ഇ​രു മ​ന്ത്രി​മാ​രും ഫോ​ൺ സം​ഭാ​ഷ​ണ​ത്തി​ൽ ഉ​റ​പ്പു​വ​രു​ത്തി.

ഖ​ത്ത​ർ വി​ദേ​ശ​കാ​ര്യ മ​ന്ത്രി സു​ൽ​ത്താ​ൻ അ​ൽ മു​റൈ​ഖി​യു​മാ​യും ശ​നി​യാ​ഴ്ച മേ​ഖ​ല​യി​ലെ സം​ഭ​വ​വി​കാ​സ​ങ്ങ​ൾ കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ് യ ​ച​ർ​ച്ച ചെ​യ്തു. ഇ​റാ​നി​ലെ ഇ​സ്രാ​യേ​ൽ ആ​ക്ര​മ​ണ​ത്തെ​ക്കു​റി​ച്ചും പ്രാ​ദേ​ശി​ക, അ​ന്ത​ർ​ദേ​ശീ​യ മേ​ഖ​ല​ക​ളി​ലെ അ​തി​ന്റെ പ്ര​ത്യാ​ഘാ​ത​ങ്ങ​ളെ​ക്കു​റി​ച്ചും ഇ​രു​വ​രും സം​സാ​രി​ച്ചു.

ആ​ക്ര​മ​ണ പ​ശ്ചാ​ത്ത​ല​ത്തി​ൽ ജോ​ർ​ഡ​ൻ ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ അ​യ്മാ​ൻ അ​ൽ സ​ഫാ​ദി​യും കു​വൈ​ത്ത് വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ് യ​യെ ഫോ​ണി​ൽ ബ​ന്ധ​പ്പെ​ട്ടു.

ആ​ക്ര​മ​ണ​ങ്ങ​ളു​ടെ പ്ര​ത്യാ​ഘാ​ത​ങ്ങ​ൾ ഇ​രു​വ​രും അ​വ​ലോ​ക​നം ചെ​യ്തു. പ്രാ​ദേ​ശി​ക സ്ഥി​ര​ത​യും സു​ര​ക്ഷ​യും കാ​ത്തു​സൂ​ക്ഷി​ക്കാ​ൻ സം​യു​ക്ത ശ്ര​മ​ങ്ങ​ൾ ശ​ക്തി​പ്പെ​ടു​ത്താ​നും ഏ​കോ​പ​നം വ​ർ​ധി​പ്പി​ക്കാ​നും ഇ​രു​പ​ക്ഷ​വും തീ​രു​മാ​നി​ച്ചു.

ഡ​പ്യൂ​ട്ടി വി​ദേ​ശ​കാ​ര്യ മ​ന്ത്രി ശൈ​ഖ് ജ​റാ​ഹ് ജാ​ബി​ർ അ​ൽ അ​ഹ് മ​ദ് അ​സ്സ​ബാ​ഹി​നെ യു.​കെ പാ​ർ​ലി​മെ​ന്റ​റി അ​ണ്ട​ർ സെ​ക്ര​ട്ട​റി ഓ​ഫ് സ്റ്റേ​റ്റ് മി​ഡി​ലീ​സ്റ്റ്, നോ​ർ​ത്ത് ആ​ഫ്രി​ക്ക, അ​ഫ്ഗാ​നി​സ്താ​ൻ, പാ​കി​സ്താ​ൻ രാ​ജ്യ​ങ്ങ​ളു​ടെ ചു​മ​ത​ല​യു​ള്ള ഹാ​മി​ഷ് ഫാ​ൽ​ക്ക​ണ​ർ ഫോ​ണി​ൽ ബ​ന്ധ​പ്പെ​ട്ടു.

ഇ​റാ​നെ​തി​രാ​യ ഇ​സ്രാ​യേ​ൽ ആ​ക്ര​മ​ണ​ത്തെ​ത്തു​ട​ർ​ന്ന് മി​ഡി​ലീ​സ്റ്റി​ലെ സ്ഥി​തി​ഗ​തി​ക​ളി​ലെ പു​തി​യ സം​ഭ​വ​വി​കാ​സ​ങ്ങ​ൾ ഇ​രു​വ​രും ച​ർ​ച്ച ചെ​യ്ത​താ​യി കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി. സം​ഘ​ർ​ഷം വ്യാ​പി​ക്കു​ന്ന​ത് ത​ട​യേ​ണ്ട​തി​ന്റെ ആ​വ​ശ്യ​ക​ത ഊ​ന്നി​പ്പ​റ​ഞ്ഞ ഇ​രു​വ​രും രാ​ജ്യ​ങ്ങ​ളു​ടെ പ​ര​മാ​ധി​കാ​ര​ത്തെ ബ​ഹു​മാ​നി​ക്ക​ണ​മെ​ന്നും, സം​യ​മ​നം പാ​ലി​ക്ക​ണ​മെ​ന്നും കൂ​ടു​ത​ൽ വ​ഷ​ളാ​കു​ന്ന​ത് ത​ട​യ​ണ​മെ​ന്നും ആ​വ​ശ്യ​പ്പെ​ട്ടു.