ജനം സഹകരിച്ചില്ലെങ്കിൽ കർഫ്യൂ ഏർപ്പെടുത്തും -ആഭ്യന്തര മന്ത്രി

കുവൈത്ത്​ സിറ്റി: കോവിഡ്​ പ്രതിരോധത്തിന്​ സർക്കാർ സ്വീകരിച്ച നടപടികളോട്​ ജനം സഹകരിക്കുന്നില്ലെങ്കിൽ കർഫ്യൂ ഉൾപ്പെടെ ശക്​തമായ നടപടികൾക്ക്​ മടിക്കില്ലെന്ന്​ ആഭ്യന്തര മന്ത്രി അനസ്​ അൽ സാലിഹ്​ പറഞ്ഞു. അനാവശ്യമായി പുറത്തിറങ്ങി നടക്കരുതെന്നത്​ അടക്കമുള്ള നിർദേശങ്ങൾക്ക്​ വില കൽപ്പിക്കുന്നില്ലെങ്കിൽ രാജ്യ വ്യാപക കർഫ്യൂ ഏർപ്പെടുത്തുകയോ നിയമം അനുസരിക്കാത്ത വിദേശികളെ നാടുകടത്തുകയോ ചെയ്യേണ്ടിവരും.

മന്ത്രാലയത്തി​​െൻറ നിർദേശങ്ങൾ അനുസരിക്കാത്തത്​ കാരണം രാജ്യത്തെ ആരോഗ്യ സംവിധാനം തകരാൻ അനുവദിക്കില്ല. സ്വദേശികളും വിദേശികളും സർക്കാർ നിർദേശങ്ങളെ ഗൗരവത്തിലെടുക്കുന്നില്ലെങ്കിൽ ഉറപ്പായും പിന്നീടുള്ള പ്രതികരണം മറ്റൊരു രീതിയിലായിരിക്കുമെന്നും ആഭ്യന്തര മന്ത്രി മുന്നറിയിപ്പ്​ നൽകി.