ലോകത്തിൽ ചൂട് കൂടിയ അഞ്ചു സ്ഥലങ്ങൾ കുവൈത്തിൽ

കുവൈത്ത് സിറ്റി: കഴിഞ്ഞ 24 മണിക്കൂറിനകം ലോകത്തിൽ ഏറ്റവുമധികം താപനില രേഖപ്പെടുത്തിയ അഞ്ചു സ്ഥലങ്ങൾ കുവൈത്തിൽ.

ലോകരാജ്യങ്ങളിലെ താപനില രേഖപ്പെടുത്തുന്ന ആഗോള വെബ്സൈറ്റായ എൽഡോറാഡോ പുറത്തുവിട്ട വിവരങ്ങളുടെ അടിസ്ഥാനത്തിലാണ് ഇത്. കഴിഞ്ഞ 24 മണിക്കൂറിനുള്ളിൽ രേഖപ്പെടുത്തിയ ലോകത്തിലെ ഏറ്റവും ഉയർന്ന താപനിലയുള്ള 15 സ്ഥലങ്ങളുടെ പട്ടികയാണ് വെബ്സൈറ്റിൽ നൽകിയത്.

ഇതിൽ ആദ്യ അഞ്ചു സ്ഥാനത്തും കുവൈത്തിലെ സ്ഥലങ്ങളാണ്. ജഹ്റ (51 ഡിഗ്രി സെൽഷ്യസ്) സുലൈബിയ മേഖല (50 ഡിഗ്രി സെൽഷ്യസ്), അബ്ദലി (49.7 ഡിഗ്രി), വഫ്ര കാർഷിക മേഖല (49.6 ഡിഗ്രി), കുവൈത്ത് വിമാനത്താവളം (49.4 ഡിഗ്രി) എന്നിവയാണ് ഇവ.