സ്വവർഗാനുരാഗം അവകാശമാക്കണമെന്ന് ഒരുകൂട്ടം കുവൈത്തികൾ
text_fieldsകുവൈത്ത് സിറ്റി: സ്വവർഗാനുരാഗം അവകാശമാക്കണമെന്ന് ആവശ്യപ്പെട്ട് ഒരുകൂട്ടം സ്വ ദേശികൾ അധികൃതരെ സമീപിക്കാനൊരുങ്ങുന്നു. ഇതിനായി കൂട്ടായ്മ രൂപവത്കരിച്ചു. ഇവരുടെ ക്ഷേമത്തിനായി സൊസൈറ്റി രൂപവത്കരിക്കാൻ അനുമതി തേടി അടുത്തമാസം സാമൂഹിക ക്ഷേമ മന്ത്രാലയത്തെ സമീപിക്കാനൊരുങ്ങുകയാണ്. തൽക്കാലം വിശദാംശങ്ങൾ മറച്ചുവെക്കാൻ ആഗ്രഹിക്കുന്ന 30ഒാളം സ്ഥാപകാംഗങ്ങളുടെ പ്രതിനിധിയെ ഉദ്ധരിച്ച് അൽറായ് ദിനപത്രം റിപ്പോർട്ട് ചെയ്തതാണിത്.
ഫ്രീഡം എന്ന പേരിൽ സംഘടന രൂപവത്കരിക്കാനാണ് സംഘം ആലോചിക്കുന്നത്. സ്വവർഗാനുരാഗികൾക്കിടയിലും പൊതുസമൂഹത്തിലും ബോധവത്കരണം നടത്തുകയാണ് കൂട്ടായ്മയുടെ ലക്ഷ്യം. 2007ൽ ഇവർ മന്ത്രാലയത്തെ സമീപിച്ചിരുന്നെങ്കിലും അനുമതി ലഭിച്ചിരുന്നില്ല. ഒരു ദശാബ്ദത്തിനിപ്പുറം ആഗോളതലത്തിൽതന്നെ സ്വവർഗ ലൈംഗിക സമൂഹത്തോടുള്ള സമീപനത്തിൽ വലിയ മാറ്റം ഉണ്ടായിട്ടുള്ള സ്ഥിതിക്ക് മനുഷ്യാവകാശവും സിവിൽ, സാമ്പത്തിക അവകാശങ്ങളും ലഭിക്കണമെന്ന തങ്ങളുടെ ആവശ്യത്തോട് അധികൃതർ അനുകൂല നിലപാട് സ്വീകരിക്കുമെന്ന പ്രതീക്ഷയിലാണ് ഇവർ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.