വ​ല നി​റ​യെ മാ​ലാ​ൻ; മാ​ർ​ക്ക​റ്റി​ൽ തിക്കും തി​ര​ക്കും

കു​വൈ​ത്ത് സി​റ്റി: ഏ​ഴ് മാ​സ​ങ്ങ​ള്‍ക്കു​ശേ​ഷം വി​പ​ണി​യി​ലെ​ത്തി​യ മാ​ലാ​ന്‍ മ​ത്സ്യ​ത്തി​ന് വ​ൻ ഡി​മാ​ ൻ​ഡ്. രാ​ജ്യ​ത്തി​​െൻറ സ​മു​ദ്ര പ​രി​ധി​യി​ൽ​നി​ന്ന് മാ​ലാ​ൻ മ​ത്സ്യം പി​ടി​ക്കു​ന്ന​തി​ന് ഏ​ർ​പ്പെ​ടു​ത്തി​യി​രു​ന്ന വി​ല​ക്ക് പി​ൻ​വ​ലി​ച്ച​തോ​ടെ ശ​ർ​ഖ് ഉ​ൾ​പ്പെ​ടെ വി​പ​ണി​യി​ൽ മാ​ലാ​ൻ ചാ​ക​ര​യാ​യി​രു​ന്നു. മാ​സ​ങ്ങ​ൾ നീ​ണ്ട വി​ല​ക്കി​ന് ജൂ​ലൈ ഒ​ന്ന് അ​ർ​ധ​രാ​ത്രി മു​ത​ലാ​ണ് വി​രാ​മ​മാ​യ​ത്. ഇ​തോ​ടെ നി​ര​വ​ധി ബോ​ട്ടു​ക​ൾ മാ​ലാ​ൻ​ചാ​ക​ര തേ​ടി ആ​ഴ​ക്ക​ട​ലി​ലേ​ക്ക് തി​രി​ച്ചി​രു​ന്നു. സ്വ​ദേ​ശി​ക​ളെ​ക്കാ​ൾ വി​ദേ​ശി​ക​ളു​ടെ ഏ​റെ ഇ​ഷ്​​ട മ​ത്സ്യ​മാ​യ മാ​ലാ​ൻ തേ​ടി നൂ​റു​ക​ണ​ക്കി​നു പേ​രാ​ണ് ക​ഴി​ഞ്ഞ​ദി​വ​സം ശ​ർ​ഖ് മാ​ർ​ക്ക​റ്റി​ലെ​ത്തി​യ​ത്.

സ്വ​ന്താ​വ​ശ്യ​ത്തി​നു​പു​റ​മെ ഹോ​ട്ട​ലു​ക​ളി​ലേ​ക്കും കാ​റ്റ​റി​ങ്​ ക​മ്പ​നി​ക​ളി​ലേ​ക്കും ആ​വ​ശ്യ​ത്തി​നു​ള്ള മ​ത്സ്യം സ്വ​ന്ത​മാ​ക്കു​ന്ന​തി​നാ​ണ് പ​ല​രും നേ​ര​േ​ത്ത​യെ​ത്തി​യ​ത്. 26 കി​ലോ​യു​ള്ള വ​ലി​യ കൊ​ട്ട​ക്ക് 35 ദീ​നാ​റും ചെ​റി​യ കൊ​ട്ട​ക്ക് 30 ദീ​നാ​റു​മാ​യി​രു​ന്നു ക​ഴി​ഞ്ഞ ദി​വ​സ​ത്തെ വി​ല. വ​ലി​യ ഇ​നം മാ​ലാ​ന്‍ കി​ലോ​ക്ക് 1.750 ദി​നാ​റും ചെ​റി​യ ഇ​ന​ത്തി​ന്​ 1.5 ദി​നാ​റു​മാ​ണ് വി​ല. കൂ​ടു​ത​ൽ മ​ത്സ്യം എ​ത്തു​ന്ന​തോ​ടെ കൊ​ട്ട​ക്ക് 12- 13 ദീ​നാ​ർ​വ​രെ വി​ല താ​ഴു​മെ​ന്നാ​ണ് പ്ര​തീ​ക്ഷ. ഇ​തി​ന​​നു​സൃ​ത​മാ​യി കി​ലോ​ക്ക് 300-500 ഫി​ൽ​സാ​യും കു​റ​യു​മെ​ന്നാ​ണ് ക​രു​തു​ന്ന​ത്. ഒ​രാ​ഴ്ച പി​ന്നി​ടു​ന്ന​തോ​ടെ ത​ന്നെ വി​ല​യി​ൽ ഗ​ണ്യ​മാ​യ കു​റ​വു​ണ്ടാ​കു​മെ​ന്നാ​ണ്​ മ​ത്സ്യ​ക്ക​ച്ച​വ​ട​ക്കാ​ർ പ​റ​യു​ന്ന​ത്.