ഏ​ഷ്യ​ന്‍ ബോ​ക്‌​സി​ങ് ചാ​മ്പ്യ​ന്‍ഷി​പ്പി​ന്​ കു​വൈ​ത്ത്​​ വേ​ദി​യാ​വും

കു​വൈ​ത്ത്‌ സി​റ്റി: ഏ​ഷ്യ​ന്‍ ബോ​ക്‌​സി​ങ് ചാ​മ്പ്യ​ന്‍ഷി​പ്പി​ന്​ കു​വൈ​ത്ത്​​ വേ​ദി​യാ​വും. ആ​ഗ​സ്​​റ് റ്​ ഒ​ന്നു മു​ത​ല്‍ ഒ​മ്പ​തു ദി​വ​സ​ങ്ങ​ളി​ലാ​യി ന​ട​ക്കു​ന്ന ചാ​മ്പ്യ​ൻ​ഷി​പ്പി​ന്​ ആ​തി​ഥേ​യ​ത്വം വ​ഹി​ക്കാ​ന്‍ കു​വൈ​ത്ത് എ​ല്ലാ​വി​ധ ത​യാ​റെ​ടു​പ്പു​ക​ളും ന​ട​ത്തി​വ​രു​ന്നു​ണ്ടെ​ന്ന്​ കു​വൈ​ത്ത് ബോ​ക്‌​സി​ങ് ഫെ​ഡ​റേ​ഷ​ന്‍ ത​ല​വ​ന്‍ മു​ഹ​മ്മ​ദ് മാ​ന്‍സി അ​ല്‍ ഇ​ന്‍സി വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു. കു​വൈ​ത്ത് സ്‌​പോ​ര്‍ട്‌​സ് ക്ല​ബ്​ ഹാ​ളി​ലാ​ണ് മ​ത്സ​ര​ങ്ങ​ള്‍ ന​ട​ക്കു​ന്ന​ത്. 22 രാ​ജ്യ​ങ്ങ​ളി​ല്‍നി​ന്നു​ള്ള മ​ത്സ​രാ​ർ​ഥി​ക​ളാ​ണ് ചാ​മ്പ്യ​ന്‍ഷി​പ്പി​ല്‍ പ​ങ്കെ​ടു​ക്കു​ന്ന​ത​ത്. ജൂ​ലൈ തു​ട​ക്ക​ത്തി​ൽ ര​ജി​സ്​​ട്രേ​ഷ​ൻ അ​വ​സാ​നി​ക്കും.

ഇ​തി​ന്​ മു​മ്പാ​യി ര​ണ്ട്​ രാ​ജ്യ​ങ്ങ​ളെ കൂ​ടി പ​ങ്കെ​ടു​പ്പി​ക്കാ​ൻ ശ്ര​മം ന​ട​ത്തു​ന്നു​ണ്ട്. രാ​ജ്യ​ത്തെ വി​വി​ധ മ​ന്ത്രാ​ല​യ​ങ്ങ​ള്‍ ന​ല്‍കി​യ സ​ഹ​ക​ര​ണം അ​ഭി​ന​ന്ദ​നാ​ര്‍ഹ​മാ​ണെ​ന്നും അ​ദ്ദേ​ഹം പ​റ​ഞ്ഞു. കു​വൈ​ത്ത്​ ബോ​ക്‌​സി​ങ് ടീം ​ശ​ക്​​ത​മാ​ണെ​ന്നും സു​ലൈ​ബി​കാ​ത്ത് സ്‌​പോ​ര്‍ട്‌​സ് ക്ല​ബി​ല്‍ ടീം ​പ​രി​ശീ​ല​നം ന​ട​ത്തി വ​രു​ന്നു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു. വി​ദേ​ശ രാ​ജ്യ​ത്തു​ള്ള പ​രി​ശീ​ല​ന​ത്തി​നാ​യി അ​ടു​ത്ത മാ​സം ടീം ​അ​സ​ര്‍ബൈ​ജാ​നി​ലേ​ക്ക് പു​റ​പ്പെ​ടും.