കുവൈത്ത് വിദേശകാര്യ മന്ത്രി റഷ്യയിലേക്ക് തിരിച്ചു
text_fieldsവിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ്
കുവൈത്ത് സിറ്റി: വിദേശകാര്യ മന്ത്രി ശൈഖ് സലീം അബ്ദുല്ല അൽ ജാബിർ അസ്സബാഹ് ഔദ്യോഗിക സന്ദർശനത്തിനായി റഷ്യയിലേക്ക് തിരിച്ചു.
മന്ത്രിയും പ്രതിനിധി സംഘവും മോസ്കോയിൽ സർക്കാർ പ്രതിനിധികളുമായും വിവിധ ഉദ്യോഗസ്ഥരുമായും കൂടിക്കാഴ്ചകൾ നടത്തും. പ്രാദേശികമായും അന്തർദേശീയമായും നിരവധി സുപ്രധാന വിഷയങ്ങളും പ്രശ്നങ്ങളും ഇരുപക്ഷവും ചർച്ചചെയ്യും. അറബ് മേഖലയിലെ സംഭവവികാസങ്ങളും വിലയിരുത്തും.
കുവൈത്ത് ഡെപ്യൂട്ടി ഫോറിൻ അഫയേഴ്സ് ശൈഖ് ജറാഹ് ജാബിർ അൽ അഹമ്മദ് അസ്സബാഹ്, പ്രോട്ടോക്കോൾ അഫയേഴ്സ് അംബാസഡർ നബീൽ അൽ ദഖീൽ, കുവൈത്തിലെ റഷ്യൻ അംബാസഡർ വ്ലാദിമിർ ഷെൽറ്റോവ്, വിദേശകാര്യ മന്ത്രാലയത്തിലെ ഉദ്യോഗസ്ഥർ എന്നിവർ ശൈഖ് സലീമിന് വിമാനത്താവളത്തിൽ യാത്രയയപ്പ് നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

