ലിംഗസമത്വം കൈവരിക്കുന്നതിൽ കുവൈത്ത് ഒന്നാമത് -മന്ത്രി

കു​വൈ​ത്ത് സി​റ്റി: ലിം​ഗ​സ​മ​ത്വം കൈ​വ​രി​ക്കു​ന്ന​തി​ൽ ഗ​ൾ​ഫ് രാ​ജ്യ​ങ്ങ​ളി​ൽ കു​വൈ​ത്ത് ഒ​ന്നാ​മ​താ​ണെ​ന്ന് സാ​മൂ​ഹി​ക​കാ​ര്യ മ​ന്ത്രി​യും വ​നി​ത ശി​ശു​ക്ഷേ​മ മ​ന്ത്രി​യു​മാ​യ മാ​യ് അ​ൽ ബാ​ഗ്ലി. രാ​ജ്യ​ത്തി​ന്റെ വി​ക​സ​ന പ​ദ്ധ​തി​ക​ളി​ൽ സ്ത്രീ​ക​ളു​ടെ സ​ജീ​വ പ​ങ്കാ​ളി​ത്തം വ​ർ​ധി​പ്പി​ക്കു​ക എ​ന്ന ല​ക്ഷ്യ​ത്തി​ലേ​ക്ക് കു​വൈ​ത്ത് നീ​ങ്ങു​ക​യാ​ണെ​ന്നും മ​ന്ത്രി പ​റ​ഞ്ഞു. കു​വൈ​ത്ത് വ​നി​ത ദി​ന​ത്തോ​ട​നു​ബ​ന്ധി​ച്ച് മ​ന്ത്രാ​ല​യം സം​ഘ​ടി​പ്പി​ച്ച പ​രി​പാ​ടി​യു​ടെ ഉ​ദ്ഘാ​ട​ന​ച്ച​ട​ങ്ങി​ൽ സം​സാ​രി​ക്കു​ക​യാ​യി​രു​ന്നു മാ​യ് അ​ൽ ബാ​ഗ്ലി.

സ്ത്രീ​ക​ളു​ടെ സാ​മൂ​ഹി​ക പ​ങ്കി​ൽ നേ​തൃ​ത്വ​ത്തി​ന്റെ താ​ൽ​പ​ര്യ​വും അ​വ​രു​ടെ ശാ​ക്തീ​ക​ര​ണ​ത്തി​നു​ള്ള പി​ന്തു​ണ​യും മ​ന്ത്രി വ്യ​ക്ത​മാ​ക്കി. സി​വി​ൽ സൊ​സൈ​റ്റി ഓ​ർ​ഗ​നൈ​സേ​ഷ​നു​ക​ളി​ൽ സ്ത്രീ​ക​ളു​ടെ പ​ങ്ക് സ​ജീ​വ​മാ​ക്കു​ന്ന​തി​നൊ​പ്പം, വി​വി​ധ മേ​ഖ​ല​ക​ളി​ൽ വ​നി​ത​ക​ളു​ടെ നേ​ട്ട​ങ്ങ​ൾ ഉ​യ​ർ​ത്തി​ക്കാ​ട്ടു​ക എ​ന്ന​തും ശ്ര​ദ്ധേ​യ​മാ​ണ്. സ്ത്രീ​ക​ളു​ടെ പ​ങ്കാ​ളി​ത്തം ശ​ക്തി​പ്പെ​ടു​ത്തു​ന്ന​തി​നും അ​വ​രു​ടെ ക​ഴി​വു​ക​ൾ ഉ​യ​ർ​ത്തി​ക്കാ​ട്ടു​ന്ന​തി​നും വി​ക​സ​ന പ​രി​പാ​ടി​ക​ളി​ലും പ്ര​വ​ർ​ത്ത​ന​ങ്ങ​ളി​ലും ഏ​ർ​പ്പെ​ടാ​ൻ പ്രോ​ത്സാ​ഹി​പ്പി​ക്കു​മെ​ന്നും മാ​യ് അ​ൽ ബാ​ഗ്ലി പ​റ​ഞ്ഞു. കു​വൈ​ത്ത് വ​നി​ത​ക​ളു​ടെ സ​മു​ന്ന​ത​മാ​യ മു​ന്നേ​റ്റ​ത്തി​ൽ മ​ന്ത്രി അ​ഭി​മാ​നം പ്ര​ക​ടി​പ്പി​ച്ചു.

സ്ത്രീ​ക​ളു​ടെ ശാ​ക്തീ​ക​ര​ണ​ത്തി​നാ​ണ് മ​ന്ത്രാ​ല​യം ത​ങ്ങ​ളു​ടെ പ​ദ്ധ​തി​ക​ളി​ലൂ​ടെ ശ്ര​മി​ക്കു​ന്ന​തെ​ന്ന് സാ​മൂ​ഹി​ക​കാ​ര്യ, ക​മ്യൂ​ണി​റ്റി ഡെ​വ​ല​പ്‌​മെ​ന്റ് മ​ന്ത്രാ​ല​യം ആ​ക്ടി​ങ് അ​ണ്ട​ർ സെ​ക്ര​ട്ട​റി അ​ബ്ദു​ൽ അ​സീ​സ് അ​ൽ മു​തൈ​രി പ​റ​ഞ്ഞു. സ്ത്രീ​ക​ളു​ടെ പ്ര​ശ്‌​ന​ങ്ങ​ൾ​ക്ക് പ​രി​ഹാ​രം കാ​ണാ​നും ശാ​ക്തീ​ക​ര​ണ സം​രം​ഭ​ങ്ങ​ളി​ൽ അ​വ​രെ പ്രാ​പ്ത​രാ​ക്കാ​നും വി​വി​ധ പ​രി​പാ​ടി​ക​ൾ ആ​സൂ​ത്ര​ണം ചെ​യ്ത​താ​യും അ​ദ്ദേ​ഹം അ​റി​യി​ച്ചു. എ​ല്ലാ വ​ർ​ഷ​വും മേ​യ് 16നാ​ണ് ‘കു​വൈ​ത്ത് വ​നി​ത ശാ​ക്തീ​ക​ര​ണം’ എ​ന്ന മു​ദ്രാ​വാ​ക്യ​വു​മാ​യി കു​വൈ​ത്തി​ൽ വ​നി​ത​ദി​നം സം​ഘ​ടി​പ്പി​ക്കു​ന്ന​ത്. നി​ര​വ​ധി ഉ​ദ്യോ​ഗ​സ്ഥ​രും വി​ദ​ഗ്ധ​രും പ​രി​പാ​ടി​യി​ൽ പ​​ങ്കെ​ടു​ത്തു.