ചെറു ഭൂചലനങ്ങളിൽ ആശങ്ക വേണ്ട -അധികൃതർ

കുവൈത്ത്​ സിറ്റി: കുവൈത്തിൽ ഇടക്കിടെ ഉണ്ടാവുന്ന ചെറു ഭൂചലനങ്ങളിൽ ആശങ്ക വേണ്ടെന്നും വലിയ ഭൂകമ്പ സാധ്യതയുള്ള സീസ്​മിക്​ ബെൽറ്റിന്​ അകലെയാണ്​ കുവൈത്തി​െൻറ സ്ഥാനമെന്നും അധികൃതർ. കുവൈത്തിൽ അനുഭവപ്പെടാറുള്ള ഭൂചലനങ്ങൾ 1.6നും 4.6നും ഇടയിൽ മാഗ്​നിറ്റ്യൂഡ്​ ഉള്ളതാണ്​. എണ്ണ ഖനനവും ഭൂമിക്കടിയിലെ പാറകൾക്ക്​ ഉണ്ടായ ക്ഷതവും അയൽ രാജ്യങ്ങളിലെ ഭൂകമ്പങ്ങളുടെ പ്രതിഫലനവുമെല്ലാമാണ്​ ഇതിന്​ കാരണം. കുവൈത്തിൽ വലിയ ഭൂകമ്പത്തിന്​ സാധ്യത വിദൂരമാണെന്നും എന്നാലും എല്ലാ മുന്നൊരുക്കങ്ങളും നടത്തിയിട്ടുണ്ടെന്ന്​ കുവൈത്ത്​ ഫയർ സർവീസ്​ ഡയറക്​​ടറേറ്റിലെ ഒാപറേഷൻസ്​ സെൻറർ മേധാവി ഡോ. മിഷാരി അൽ ഫറാസ്​ പറഞ്ഞു.

കഴിഞ്ഞ ആഴ്​ച റിക്​ടർ സ്​കെയിലിൽ 4.6 രേഖപ്പെടുത്തിയ ഭൂചലനം ഉണ്ടായിരുന്നു. ഇടക്കിടെ ഉണ്ടാവുന്ന ചെറുചലനങ്ങൾ വലിയ ഭൂകമ്പത്തി​െൻറ മുന്നോടിയാണെന്ന്​ സാമൂഹിക മാധ്യമങ്ങളിൽ പ്രചാരണമുണ്ടായ സാഹചര്യത്തിലാണ്​ അധികൃതർ വിശദീകരണവുമായി രംഗത്തെത്തിയത്​.