കാ​ട്ടു​തീ ദു​ര​ന്ത രാ​ജ്യ​ങ്ങ​ളോ​ട് അ​നു​ഭാ​വം പ്ര​ക​ടി​പ്പി​ച്ച് കു​വൈ​ത്ത്

കു​വൈ​ത്ത് സി​റ്റി: ഉ​ഷ്ണ​ത​രം​ഗ​വും കാ​ട്ടു​തീ​യും മൂ​ലം ദു​രി​ത​മ​നു​ഭ​വി​ക്കു​ന്ന രാ​ജ്യ​ങ്ങ​ളോ​ട് അ​നു​ഭാ​വം പ്ര​ക​ടി​പ്പി​ച്ച് കു​വൈ​ത്ത്. സം​ഭ​വ​ത്തി​ൽ അ​നു​ശോ​ചി​ച്ച് അ​ൽ​ജീ​രി​യ, ഗ്രീ​സ്, ഇ​റ്റ​ലി രാ​ജ്യ​ങ്ങ​ളി​ലെ ഭ​ര​ണാ​ധി​കാ​രി​ക​ൾ​ക്ക് കു​വൈ​ത്ത് ഭ​ര​ണ നേ​തൃ​ത്വം സ​ന്ദേ​ശ​ങ്ങ​ൾ അ​യ​ച്ചു.

അ​പ​ക​ട​ത്തി​ൽ മ​രി​ച്ച​വ​ർ​ക്ക് ദൈ​വ​ത്തി​ന്റെ ക​രു​ണ​യും പ​രി​ക്കേ​റ്റ​വ​ർ വേ​ഗ​ത്തി​ൽ സു​ഖം​പ്രാ​പി​ക്ക​ട്ടെ​യെ​ന്നും അ​ൽ​ജീ​രി​യ​ൻ പ്ര​സി​ഡ​ന്റ് അ​ബ്ദു​ൽ മ​ദ്ജി​ദ് ടെ​ബൗ​ണി​ന് അ​യ​ച്ച സ​ന്ദേ​ശ​ത്തി​ൽ അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് അ​റി​യി​ച്ചു. കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹ് എ​ന്നി​വ​രും അ​ൽ​ജീ​രി​യ പ്ര​സി​ഡ​ന്റി​ന് അ​നു​ശോ​ച​ന​സ​ന്ദേ​ശം അ​യ​ച്ചു. വി​ദേ​ശ​കാ​ര്യ മ​ന്ത്രാ​ല​യം ക​ഴി​ഞ്ഞ ദി​വ​സം അ​ൽ​ജീ​രി​യ​യോ​ട് കു​വൈ​ത്തി​ന്റെ അ​നു​ഭാ​വ​വും ഐ​ക്യ​ദാ​ർ​ഢ്യ​വും അ​റി​യി​ച്ചി​രു​ന്നു.

അ​ൽ​ജീ​രി​യ​യി​ൽ വി​വി​ധ ഭാ​ഗ​ങ്ങ​ളി​ൽ പ​ട​ർ​ന്നു​പി​ടി​ച്ച കാ​ട്ടു​തീ​യി​ൽ ചു​രു​ങ്ങി​യ​ത് 34 പേ​ർ കൊ​ല്ല​പ്പെ​ടു​ക​യും 194 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്ത​താ​യാ​ണ് റി​പ്പോ​ർ​ട്ട്. ദു​രി​ത​ബാ​ധി​ത​പ്ര​ദേ​ശ​ങ്ങ​ളി​ൽ ആ​ളു​ക​ളെ ഒ​ഴി​പ്പി​ക്കാ​ൻ ശ്ര​മി​ക്കു​ന്ന​തി​നി​ടെ 10 സൈ​നി​ക​ർ കൊ​ല്ല​പ്പെ​ടു​ക​യും ഇ​രു​പ​ത്ത​ഞ്ചോ​ളം പേ​ർ​ക്ക് പ​രി​ക്കേ​ൽ​ക്കു​ക​യും ഉ​ണ്ടാ​യി.

ഗ്രീ​സ് പ്ര​സി​ഡ​ന്റ് കാ​റ്റെ​റി​ന സ​കെ​ല്ല​റോ​പൗ​ലോ​വി​നും കു​വൈ​ത്ത് അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് അ​നു​ശോ​ച​ന സ​ന്ദേ​ശം അ​യ​ച്ചു. ഇ​ര​ക​ളോ​ട് ആ​ത്മാ​ർ​ഥ​മാ​യ അ​നു​ശോ​ച​ന​വും സ​ഹ​താ​പ​വും പ്ര​ക​ടി​പ്പി​ച്ച അ​മീ​ർ പ​രി​ക്കേ​റ്റ​വ​ർ വേ​ഗ​ത്തി​ൽ സു​ഖം പ്രാ​പി​ക്ക​ട്ടെ​യെ​ന്നും ഗ്രീ​ക്ക് ഉ​ദ്യോ​ഗ​സ്ഥ​ർ​ക്ക് ഈ ​പ്ര​കൃ​തി​ദു​ര​ന്ത​ത്തി​ന്റെ പ്ര​ത്യാ​ഘാ​ത​ങ്ങ​ൾ വേ​ഗ​ത്തി​ൽ ത​ര​ണം ചെ​യ്യാ​നാ​ക​ട്ടെ എ​ന്നും അ​റി​യി​ച്ചു. കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹ് എ​ന്നി​വ​രും ഗ്രീ​സ് പ്ര​സി​ഡ​ന്റി​ന് സ​ന്ദേ​ശ​മ​യ​ച്ചു.

കാ​ട്ടു​തീ​യി​ൽ നി​ര​വ​ധി ആ​ള​പാ​യ​മു​ണ്ടാ​യ ഇ​റ്റ​ലി​യി​ലെ പ്ര​സി​ഡ​ന്റ് സെ​ർ​ജി​യോ മാ​റ്റ​റെ​ല്ല​ക്കും കു​വൈ​ത്ത് അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹ് എ​ന്നി​വ​ർ അ​നു​ശോ​ച​ന സ​ന്ദേ​ശം അ​യ​ച്ചു. കാ​ട്ടു​തീ​യു​ടെ പ്ര​ത്യാ​ഘാ​ത​ങ്ങ​ൾ എ​ളു​പ്പ​ത്തി​ൽ അ​തി​ജീ​വി​ക്കാ​ൻ ഇ​റ്റ​ലി​ക്കാ​ക​ട്ടെ എ​ന്ന് അ​മീ​ർ അ​റി​യി​ച്ചു.