കുവൈത്തിൽ പെരുന്നാൾ അവധി അഞ്ചുദിവസം

കുവൈത്ത്​ സിറ്റി: കുവൈത്തിൽ ബലി പെരുന്നാൾ അവധി അഞ്ചുദിവസമായിരിക്കും. ജൂലൈ 30 വ്യാഴം മുതൽ ആഗസ്​റ്റ്​ മൂന്ന്​​ തിങ്കളാഴ്​ച വരെയാകും അവധിയെന്ന്​ സിവിൽ സർവീസ്​ കമീഷൻ വ്യക്​തമാക്കി.

ജൂലൈ 29 ബുധനാഴ്​ച അടക്കുന്ന സർക്കാർ ഒാഫിസുകൾ ആഗസ്​റ്റ്​ നാല്​ ചൊവ്വാഴ്​ച തുറന്നു പ്രവർത്തിക്കും. വെള്ളി, ശനി വാരാന്ത്യ അവധി ദിവസങ്ങൾക്ക്​ പുറമെ മൂന്നുദിവസം മാത്രമാണ്​ ഇത്തവണ അവധി.