പ്രവാസികൾക്ക് ഡിജിറ്റൽ സ്റ്റാറ്റസ് മാറ്റൽ സേവനം ആരംഭിച്ച് കുവൈത്ത് സിറ്റി സിവിൽ ഇൻഫർമേഷൻ അതോറിറ്റി

കുവൈത്ത് സിറ്റി: ആർട്ടിക്കിൾ 7 ബിസ് പ്രകാരമുള്ള പ്രവാസികൾക്ക് ഡിജിറ്റൽ സ്റ്റാറ്റസ് മാറ്റൽ സേവനം ആരംഭിച്ച് പബ്ലിക് അതോറിറ്റി ഫോർ സിവിൽ ഇൻഫർമേഷൻ.

സഹൽ ആപ്പ് വഴിയോ സിവിൽ ഇൻഫർമേഷൻ വെബ്സൈറ്റ് വഴിയോ അപേക്ഷ നൽകാം. സ്റ്റാറ്റസ് മാറ്റുന്നതിനായി പാസി ഓഫീസുകളിൽ നേരിട്ട് എത്തേണ്ടതില്ല. യോഗ്യരായവർക്ക് ആവശ്യമായ നടപടികൾ ഓൺലൈനായി പൂർത്തിയാക്കാം. നടപടികൾ ലളിതമാക്കാനും സേവനം വേഗത്തിലാക്കാനുമാണ് പുതിയ സംവിധാനമെന്ന് പബ്ലിക് അതോറിറ്റി ഫോർ സിവിൽ ഇൻഫർമേഷൻ അറിയിച്ചു.