കുവൈത്തിൽ 11 പേർക്ക്​ കൂടി കോവിഡ്​; നാലുപേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ വെള്ളിയാഴ്​ച 11 പേർക്ക്​ കൂടി കോവിഡ്​ 19 സ്ഥിരീകരിച്ചു. 10 കുവൈത്ത്​ പൗരന്മാർക്കും ഒരു ലെബനോൻ പൗരനുമാണ്​ രോഗം സ്ഥിരീകരിച്ചത്​.

ഇതോടെ രാജ്യത്ത്​ വൈറസ്​ സ്ഥിരീകരിച്ചവരുടെ എണ്ണം 159 ആയി. ഇതിൽ 22 പേർ രോഗമുക്​തി നേടി. ബാക്കി 137 പേരാണ്​ ചികിത്സയിലുള്ളത്​. നാലുപേർ വെള്ളിയാഴ്​ചയാണ്​ രോഗമുക്​തി നേടിയത്​. അഞ്ചുപേർ തീവ്രപരിചരണ വിഭാഗത്തിലുണ്ട്​. ഇതിൽ മൂന്ന്​ പേരുടെ നില ഗുരുതരമാണ്​.

ക്യാമ്പിൽ പാർപ്പിച്ചവരിൽ 574 പേർ നിരീക്ഷണ ഘട്ടം പിന്നിട്ടതായും ആരോഗ്യമന്ത്രാലയം വാർത്താസമ്മേളനത്തിൽ അറിയിച്ചു