കുവൈത്തിൽ ഒരു കോവിഡ്​ മരണം കൂടി

കുവൈത്ത്​ സിറ്റി: കുവൈത്തിൽ ഒരാൾ കൂടി കോവിഡ്​ ബാധിച്ച്​ മരിച്ചു. 50കാരനായ സ്വദേശിയാണ്​ മരിച്ചത്​. ഇതോരെ ​രാജ ്യത്തെ കോവിഡ്​ മരണം രണ്ടായി. 45 ഇന്ത്യക്കാരടക്കം 66 പേർക്ക്​ പുതുതായി കോവിഡ്​ സ്ഥിരീകരിച്ചിട്ടുണ്ട്. ഇതോടെ ആകെ വൈറസ്​ ബാധിതർ 1300 ആയി.

തിങ്കളാഴ്​ച എട്ടുപേരടക്കം 150 പേർ രോഗമുക്​തി നേടി. 1148 പേരാണ്​ ഇനി ചികിത്സയിലുള്ളത്​. 26 പേർ തീവ്രപരിചരണ വിഭാഗത്തിലാണ്​. പുതിയ രോഗബാധിതരിൽ നാലുപേർ വിദേശത്തുനിന്ന്​ വന്നവരും 51 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്​. 11 പേർക്ക്​ ഏതുവഴിയാണ്​ വൈറസ്​ ബാധിച്ചതെന്ന്​ കണ്ടെത്തിയിട്ടില്ല. ബ്രിട്ടനിൽനിന്ന്​ വന്ന മൂന്ന്​ കുവൈത്തികൾ, ജർമനിയിൽനിന്ന്​ വന്ന ഒരു കുവൈത്തി എന്നിവർക്ക്​ കോവിഡ്​ സ്ഥിരീകരിച്ചു.

40 ഇന്ത്യക്കാർ, ഒരു കുവൈത്തി, ഏഴ്​ ബംഗ്ലാദേശികൾ, ഒരു ഇൗജിപ്​ഷ്യൻ, ഒരു നേപ്പാൾ പൗരൻ, ഒരു പാകിസ്ഥാനി എന്നിവർക്കാണ്​ നേരത്തെ സ്ഥിരീകരിച്ചവരുമായുള്ള സമ്പർക്കത്തിലൂടെ കോവിഡ്​ ബാധിച്ചത്​. അഞ്ച്​ ഇന്ത്യക്കാർ, ഒരു കുവൈത്തി, രണ്ട്​ ഇൗജിപ്​ഷ്യൻ, ഒരു ഇറാൻ പൗരൻ, ഒരു പാകിസ്ഥാനി, ഒരു ബംഗ്ലാദേശി എന്നിവർക്കാണ്​ ഏതുവഴി വൈറസ്​ ബാധിച്ചുവെന്ന്​ കണ്ടെത്താനുള്ളത്​.