കുവൈത്തിൽ 526 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 195 ഇന്ത്യക്കാർ ഉൾപ്പെടെ 526 പേർക്ക്​ കൂടി കോവിഡ്​ സ്ഥിരീകരിച്ചു. ഇതോടെ ഇതുവരെ കോവിഡ്​ ബാധിച്ചവർ 5804 ആയി. പുതിയ രോഗബാധിതരിൽ ആറുപേർ വിദേശത്തുനിന്ന്​ വന്നവരും 520 പേർ നേരത്തെ സ്ഥിരീകരിച്ചവരുമായി സമ്പർക്കം പുലർത്തിയവരുമാണ്​.

ചൊവ്വാഴ്​ച 85 പേർ രോഗമുക്​തി നേടി. ഇതുവരെ 2032 പേരാണ്​ രോഗമുക്​തരായത്​. ബാക്കി 3732 പേർ ചികിത്സയിലാണ്​. ചൊവ്വാഴ്​ച കോവിഡ്​ മരണമില്ല. ഇതുവരെ 40 പേരാണ്​ മരിച്ചത്​.