കുവൈത്തിൽ തിങ്കളാഴ്​ച ഒരു കോവിഡ്​ സ്ഥിരീകരണം മാത്രം

കുവൈത്ത്​ സിറ്റി: കുവൈത്തിൽ തിങ്കളാഴ്​ച സ്ഥിരീകരിച്ചത്​ ഒരാൾക്ക്​ മാത്രം. യു.എ.ഇയിൽനിന്ന്​ വന്ന സ്വദേശി വനിതയാണ്​ ഇവർ. തിങ്കളാഴ്​ച ആരും രോഗമുക്​തി നേടിയിട്ടില്ല. ഇതുവരെ രാജ്യത്ത്​ വൈറസ്​ ബാധ സ്ഥിരീകരിച്ചവരുടെ എണ്ണം 189 ആണ്​.

ഇതിൽ 30 പേർ രോഗമുക്​തി നേടി. ബാക്കി 159 പേരാണ്​ ചികിത്സയിലുള്ളത്​. ഇതിൽ അഞ്ചുപേർ തീവ്രപരിചരണ വിഭാഗത്തിൽ കഴിയുന്നു. തീവ്രപരിചരണ വിഭാഗത്തിലെ മൂന്നുപേരുടെ നില ഗുരുതരമാണ്​.