കോവിഡ്​ 19: മാർച്ച്​ എട്ടുമുതൽ കുവൈത്തിലേക്ക്​ യാത്ര മുടങ്ങുന്ന സ്ഥിതി

കുവൈത്ത്​ സിറ്റി: കോവിഡ്​ 19​​െൻറ പശ്ചാത്തലത്തിൽ മാർച്ച്​ എട്ടുമുതൽ കുവൈത്തിലേക്ക്​ ഇന്ത്യയിൽനിന്ന്​ യാത്ര മുടങ്ങുന്ന സ്ഥിതി. കൊറോണ വൈറസ്​ ബാധിതരല്ലെന്ന്​ തെളിയിക്കുന്ന മെഡിക്കൽ സർട്ടിഫിക്കറ്റ്​ വിമാനത്താവളത്തി ൽ ഹാജരാക്കണമെന്നാണ്​ കുവൈത്ത്​ വ്യോമയാന മന്ത്രാലയത്തി​​െൻറ ഉത്തരവ്​.

അതത്​ രാജ്യങ്ങളിലെ കുവൈത്ത്​ എം ബസി അംഗീകൃത ഹെൽത്​ സ​െൻററുകളിൽനിന്നാണ്​ കൊറോണ വൈറസ്​ ബാധിതരല്ല എന്ന്​ തെളിയിക്കുന്ന സർട്ടിഫിക്കറ്റ്​ സ്വന്തമാക്കേണ്ടത്​. എന്നാൽ, ഇന്ത്യയിൽ ഇൗ പറയുന്ന സ​െൻററുകളിലൊന്നും വൈറസ്​ പരിശോധന സൗകര്യമില്ല. പൊതുമേഖലയിലെ വിരലിലെണ്ണാവുന്ന വൈറോളജി ഇൻസ്​റ്റിറ്റ്യൂട്ടുകളിൽ മാത്രമാണ്​​ ഇന്ത്യയിൽ വൈറസ്​ പരിശോധന സൗകര്യമുള്ളത്​. ഇവിടെ രോഗം സംശയിക്കുന്ന കേസുകളിൽ മാത്രമേ പരിശോധിക്കൂ. പരിശോധന ഫലം വരാൻ രണ്ടാഴ്​ച സമയമെടുക്കുകയും ചെയ്യും.

കുവൈത്ത്​ എംബസി അംഗീകരിച്ച മെഡിക്കൽ സ​െൻററുകളുടെ സംഘടനയായ ഗാംകോ തങ്ങൾക്ക്​ വൈറസ്​ പരിശോധന സൗകര്യമില്ലെന്ന്​ കുവൈത്ത്​ എംബസിയെ അറിയിച്ചിട്ടുണ്ട്​. അടിയന്തര ഘട്ടത്തിൽ സർക്കാർ എടുത്ത തീരുമാനമാണ്​ മെഡിക്കൽ സർട്ടിഫിക്കറ്റ്​ വേണമെന്നതെന്നും യാത്ര മുടങ്ങിയാൽ തങ്ങൾക്ക്​ ഉത്തരവാദിത്ത​മില്ലെന്നുമാണ്​ ഡൽഹിയിലെ കുവൈത്ത്​ എംബസി വൃത്തങ്ങളുടെ പ്രതികരണം.

ചുരുക്കത്തിൽ മാർച്ച്​ എട്ടുമുതൽ ഇന്ത്യയിൽനിന്ന്​ കുവൈത്തിലേക്ക്​ വരാൻ കഴിയാത്ത സങ്കീർണ്ണമായ സാഹചര്യമാണ്​ നിലവിലുള്ളത്​. വിഷയത്തിൽ കുവൈത്തിലെ ഇന്ത്യൻ എംബസിയും വിദേശകാര്യ മന്ത്രാലയവും കുവൈത്ത്​ അധികൃതരുമായി ചർച്ച ആരംഭിച്ചിട്ടുണ്ട്​. കുവൈത്തിലെ ചില സ്വകാര്യ കമ്പനികൾ നാട്ടിൽ പോയ ജീവനക്കാരോട്​ മാർച്ച്​ എട്ടിന്​ മുമ്പ്​ തിരിച്ചുവരാൻ ആവശ്യപ്പെട്ടിട്ടുണ്ട്​. അതിനിടെ അടിയന്തര സാഹചര്യം മുതലെടുത്ത്​ വിമാനക്കമ്പനികൾ ടിക്കറ്റ്​ നിരക്ക്​ കുത്തനെ ഉയർത്തി.