പു​തി​യ മാ​ർ​പാ​പ്പ​ക്ക് കു​വൈ​ത്തി​ന്റെ അ​ഭി​ന​ന്ദ​നം

കു​വൈ​ത്ത് സി​റ്റി: ക​ത്തോ​ലി​ക്കാ സ​ഭ പു​തി​യ മാ​ർ​പാ​പ്പ​യാ​യി തെ​ര​ഞ്ഞെ​ടു​ത്ത ലൂ​യി പ​തി​നാ​ലാ​മ​ന് കു​വൈ​ത്തി​ന്റെ അ​ഭി​ന​ന്ദ​നം. അ​ഭി​ന​ന്ദ​നം അ​റി​യി​ച്ച് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​മ്മ​ദ് അ​സ്സ​ബാ​ഹ് എ​ന്നി​വ​ർ സ​ന്ദേ​ശം അ​യ​ച്ചു.

ക​ത്തോ​ലി​ക്കാ സ​ഭ​യു​ടെ ത​ല​വ​നാ​യി തി​ര​ഞ്ഞെ​ടു​ക്ക​പ്പെ​ട്ട ലൂ​യി പ​തി​നാ​ലാ​മ​ന് അ​മീ​ർ സ​ന്ദേ​ശ​ത്തി​ൽ ആ​ത്മാ​ർ​ഥ​മാ​യ അ​ഭി​ന​ന്ദ​ന​ങ്ങ​ൾ അ​റി​യി​ച്ചു. ജ​ന​ങ്ങ​ൾ​ക്കി​ട​യി​ൽ സ​ഹി​ഷ്ണു​ത​യു​ടെ​യും നീ​തി​യു​ടെ​യും മൂ​ല്യ​ങ്ങ​ൾ പ്ര​ച​രി​പ്പി​ക്കു​ന്ന​ത് തു​ട​രാ​നാ​ക​ട്ടെ എ​ന്നും ആ​ശം​സി​ച്ചു.

ലൂ​യി പ​തി​നാ​ലാ​മ​ന് മി​ക​ച്ച ആ​രോ​ഗ്യം നേ​ർ​ന്ന അ​മീ​ർ വ​ത്തി​ക്കാ​ൻ കൂ​ടു​ത​ൽ പു​രോ​ഗ​തി​യും സ​മൃ​ദ്ധി​യും കൈ​വ​രി​ക്ക​ട്ടെ​യെ​ന്നും ആ​ശം​സി​ച്ചു. കു​വൈ​ത്തും വ​ത്തി​ക്കാ​നും ത​മ്മി​ലു​ള്ള ശ​ക്ത​മാ​യ ബ​ന്ധ​ത്തെ​യും സൂ​ചി​പ്പി​ച്ചു.

കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ്, പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​മ്മ​ദ് അ​സ്സ​ബാ​ഹ് എ​ന്നി​വ​രും ത​ങ്ങ​ളു​ടെ സ​ന്ദേ​ശ​ത്തി​ൽ ലൂ​യി പ​തി​നാ​ലാ​മ​ന് ആ​ത്മാ​ർ​ഥമാ​യ അ​ഭി​ന​ന്ദ​ന​ങ്ങ​ൾ അ​റി​യി​ച്ചു.

ഫ്രാ​ൻ​സി​സ് ഒ​ന്നാ​മ​ൻ മാ​ർ​പാ​പ്പ​യു​ടെ നി​ര്യാ​ണ​ത്തെ തു​ട​ർ​ന്ന് ക​ഴി​ഞ്ഞ ദി​വ​സ​മാ​ണ് ആ​ഗോ​ള ക​ത്തോ​ലി​ക്കാ സ​ഭ ലൂ​യി പ​തി​നാ​ലാ​മ​നെ പു​തി​യ പാ​പ്പ​യാ​യി തെ​ര​ഞ്ഞെ​ടു​ത്ത​ത്. അ​മേ​രി​ക്ക​യി​ൽ നി​ന്നു​ള്ള ആ​ദ്യ മാ​ർ​പാ​പ്പ​യാ​ണ് ഇ​ദ്ദേ​ഹം. 1955 സെ​പ്റ്റം​ബ​ര്‍ 14 ന് ​ഷി​ക്കാ​ഗോ​യി​ലാ​ണ് ജ​ന​നം.