രാ​ജ്യ​ങ്ങ​ൾ ത​മ്മി​ലു​ള്ള സ​ഹ​ക​ര​ണ​വും ബ​ന്ധ​വും ശ​ക്തി​പ്പെ​ടു​ത്തി

കു​വൈ​ത്ത് സി​റ്റി: സ്ഥാ​പ​ക ദി​നം ആ​ഘോ​ഷി​ക്കു​ന്ന ഗ​ൾ​ഫ് സ​ഹ​ക​ര​ണ കൗ​ൺ​സി​ലി​ന് (ജി.​സി.​സി) കു​വൈ​ത്തി​ന്റെ അ​ഭി​ന​ന്ദ​നം. ജി.​സി.​സി​യു​ടെ 44- ാം വാ​ർ​ഷി​ക​ത്തോ​ട​നു​ബ​ന്ധി​ച്ച് കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം ജി.​സി.​സി രാ​ജ്യ​ങ്ങ​ളി​ലെ നേ​താ​ക്ക​ളെ​യും ജ​ന​ങ്ങ​ളെ​യും അ​ഭി​ന​ന്ദി​ച്ചു. 1981ൽ ​ആ​രം​ഭി​ച്ച ജി.​സി.​സി രാ​ജ്യ​ങ്ങ​ളു​ടെ കൂ​ട്ടാ​യ്മ ഏ​കീ​കൃ​ത ഗ​ൾ​ഫ് രാ​ജ്യ​ങ്ങ​ൾ ത​മ്മി​ലു​ള്ള സ​ഹ​ക​ര​ണ​വും ബ​ന്ധ​വും ശ​ക്തി​പ്പെ​ടു​ത്തി. മേ​ഖ​ല​യി​ലെ സു​ര​ക്ഷ​യും സ്ഥി​ര​ത​യും ശ​ക്തി​പ്പെ​ടു​ത്തു​ന്ന​തി​നു​ള്ള നീ​ക്ക​ങ്ങ​ൾ ന​ട​ത്തു​ന്ന​താ​യും കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം കൂ​ട്ടി​ച്ചേ​ർ​ത്തു.

കൗ​ൺ​സി​ലി​ന്റെ നി​ല​വി​ലെ സെ​ഷ​ന്റെ അ​ധ്യ​ക്ഷ​ത കു​വൈ​ത്തി​നാ​ണ്. അ​ന്ത​രി​ച്ച അ​മീ​ർ ശൈ​ഖ് ജാ​ബി​ർ അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹ് ജി.​സി.​സി സ്ഥാ​പ​ന​ത്തെ​ക്കു​റി​ച്ചു​ള്ള ആ​ശ​യം ആ​ദ്യ​മാ​യി നി​ർ​ദേ​ശി​ച്ച​തും വി​ദേ​ശ​കാ​ര്യ മ​ന്ത്രാ​ല​യം സൂ​ചി​പ്പി​ച്ചു. കൗ​ൺ​സി​ൽ സ്ഥാ​പി​ക്കു​ന്ന​തി​ൽ ജി.​സി.​സി രാ​ജ്യ​ങ്ങ​ളി​ലെ നേ​താ​ക്ക​ൾ എ​ടു​ത്ത പ്ര​ധാ​ന പ​ങ്കും തീ​രു​മാ​ന​വും മ​ന്ത്രാ​ല​യം അ​നു​സ്മ​രി​ച്ചു.

വെ​ല്ലു​വി​ളി​ക​ളു​ടെ​യും അ​പ​ക​ട​സാ​ധ്യ​ത​ക​ളു​ടെ​യും വ്യാ​പ്തി​യെ​ക്കു​റി​ച്ചു​ള്ള ജ്ഞാ​ന​വും യ​ഥാ​ർ​ത്ഥ അ​വ​ബോ​ധ​വും ഈ ​ജി.​സി.​സി കൗ​ൺ​സി​ൽ പ്ര​ക​ട​മാ​ക്കു​ന്നു. ക്രി​യാ​ത്മ​ക​മാ​യ സ​ഹ​ക​ര​ണ​ത്തി​നും സം​യു​ക്ത ഏ​കോ​പ​ന​ത്തി​നും ഉ​റ​ച്ച അ​ടി​ത്ത​റ​പാ​കു​കി​യ ജി.​സി.​സി കൗ​ൺ​സി​ൽ ത​ന്ത്ര​പ​ര​മാ​യ നേ​ട്ട​ങ്ങ​ൾ കൈ​വ​രി​ക്കു​ക​യും ചെ​യ്ത​താ​യും കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം ചൂ​ണ്ടാ​ക്കാ​ട്ടി.

1981മേ​യ് 25നാ​ണ് ഗ​ൾ​ഫ് സ​ഹ​ക​ര​ണ കൗ​ൺ​സി​ൽ രൂ​പ​വ​ത്ക​രി​ച്ച​ത്. കു​വൈ​ത്ത്, സൗ​ദി അ​റേ​ബ്യ, യു.​എ.​ഇ, ഒ​മാ​ൻ, ഖ​ത്ത​ർ, ബ​ഹ​റൈ​ൻ എ​ന്നി​വ​യാ​ണ് അം​ഗ​രാ​ജ്യ​ങ്ങ​ൾ. ഗ​ൾ​ഫ് രാ​ജ്യ​ങ്ങ​ളി​ലെ സാ​മ്പ​ത്തി​ക പു​രോ​ഗ​തി​യും സൈ​നി​ക-​രാ​ഷ്ട്രീ​യ സ​ഹ​ക​ര​ണ​വു​മാ​ണ് കൗ​ൺ​സി​ൽ ല​ക്ഷ്യം.