ഗ​സ്സ​യി​ലെ സ്കൂ​ളി​ലെ​യും അ​ഭ​യ​കേ​ന്ദ്ര​ത്തി​ലെ​യും ആ​ക്ര​മ​ണം: കു​വൈ​ത്ത് അ​പ​ല​പി​ച്ചു

കു​വൈ​ത്ത് സി​റ്റി: ഗ​സ്സ​യി​ലെ ദാ​ർ അ​ൽ അ​ർ​ഖം സ്കൂ​ളി​ലെ അ​ഭ​യ​കേ​ന്ദ്ര​ത്തി​ലെ സി​വി​ലി​യ​ന്മാ​രെ കൊ​ല​പ്പെ​ടു​ത്തു​ക​യും, മ​രു​ന്നു​ക​ളും ദു​രി​താ​ശ്വാ​സ സാ​മ​ഗ്രി​ക​ളും സൂ​ക്ഷി​ച്ച കെ​ട്ടി​ട​ങ്ങ​ൾ ന​ശി​പ്പി​ക്കു​ക​യും ചെ​യ്ത ഇ​സ്രാ​യേ​ൽ ന​ട​പ​ടി​യെ കു​വൈ​ത്ത് ക​ടു​ത്ത ഭാ​ഷ​യി​ൽ വി​മ​ർ​ശി​ച്ചു.

ഫ​ല​സ്‍തീ​നി​ൽ ഇ​സ്രാ​യേ​ൽ തു​ട​ർ​ച്ച​യാ​യി ന​ട​ത്തി​വ​രു​ന്ന ആ​ക്ര​മ​ണ​ങ്ങ​ളെ​യും അ​പ​ല​പി​ച്ചു. ഇ​സ്രാ​യേ​ൽ ന​ട​പ​ടി അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും യു.​എ​ൻ പ്ര​മേ​യ​ങ്ങ​ളു​ടെ​യും ന​ഗ്ന​മാ​യ ലം​ഘ​ന​മാ​ണെ​ന്നും ചൂ​ണ്ടി​ക്കാ​ട്ടി. ഫ​ല​സ്തീ​ൻ ജ​ന​ത അ​നു​ഭ​വി​ക്കു​ന്ന ദു​ര​ന്ത​ത്തി​ന് അ​റു​തി വ​രു​ത്താ​നും, ആ​ക്ര​മ​ണം അ​വ​സാ​നി​പ്പി​ക്കാ​നും, ഗ​സ്സ​യി​ലേ​ക്ക് മാ​നു​ഷി​ക സ​ഹാ​യം അ​യ​ക്കു​ന്ന​തി​ന് അ​തി​ർ​ത്തി​ക​ൾ തു​റ​ന്നു​കൊ​ടു​ക്കാ​നും ഇ​ട​പെ​ട​ണ​മെ​ന്നും കു​വൈ​ത്ത് ലോ​ക രാ​ജ്യ​ങ്ങ​ളോ​ടും സു​ര​ക്ഷാ കൗ​ൺ​സി​ലി​നോ​ടും ആ​വ​ശ്യ​പ്പെ​ട്ടു.

ക​ഴി​ഞ്ഞ ദി​വ​സ​മാ​ണ് ഗ​സ്സ​യി​ലെ സ്കൂ​​ളി​​ന് മു​​ക​​ളി​​ൽ ഇ​​സ്രാ​​യേ​​ൽ ബോം​​ബി​​ട്ട​ത്. കു​​ഞ്ഞു​​ങ്ങ​​ളും സ്ത്രീ​​ക​​ളു​​മ​​ട​​ക്കം 27ല​​ധി​​കം പേ​​രാ​ണ് ഇ​വി​ടെ കൊ​​ല്ല​​പ്പെ​​ട്ട​ത്. വ്യാ​ഴാ​ഴ്ച മു​ത​ൽ ഗ​സ്സ​യി​ലു​ട​നീ​ളം ശ​ക്ത​മാ​യ ആ​ക്ര​മ​ണ​മാ​ണ് ഇ​സ്രാ​യേ​ൽ ന​ട​ത്തി​യ​ത്.

ഈ ​ആ​ക്ര​മ​ണ​ത്തി​ൽ ഇ​തു​വ​രെ കു​റ​ഞ്ഞ​ത് 112 പേ​രെ​ങ്കി​ലും കൊ​ല്ല​പ്പെ​ട്ട​താ​യാ​ണ് ക​ണ​ക്ക്. 2023 ഒ​ക്ടോ​ബ​ർ മു​ത​ൽ ​ഇ​സ്രാ​യേ​ൽ ​തു​ട​രു​ന്ന ​വം​ശ​ഹ​ത്യ​യി​ൽ 50,523 ​ഫ​ല​സ്തീ​നി​ക​ൾ ​കൊ​ല്ല​​പ്പെ​ടു​ക​യും 114,638 ​പേ​ർ​ക്ക് പ​രി​ക്കേ​റ്റി​ട്ടു​ണ്ടെ​ന്നു​മാ​ണ് ​ഗ​സ്സ ​ആ​രോ​ഗ്യ​മ​ന്ത്രാ​ല​യ​ത്തി​ന്റെ ക​ണ​ക്ക്.