ഖത്തറിലെ യു.എസ് വ്യോമത്താവള ആക്രമണം; അ​തിജാ​ഗ്ര​ത​യി​ൽ കുവൈത്ത്; വ്യോമപാത താൽക്കാലികമായി അടച്ചു

കുവൈത്ത് സിറ്റി: ഇറാൻ-ഖത്തറിലെ യു.എസ് വ്യോമതാവളം ആക്രമിച്ചതിന് പിറകെ കുവൈത്ത് വ്യേമപാത താൽക്കാലികമായി അടച്ചു. രാജ്യത്തിന്റെ സുരക്ഷയും നിരവധി അയൽ രാജ്യങ്ങളിൽ വിമാനത്താവളങ്ങളും വ്യോമാതിർത്തിയും അടച്ചുപൂട്ടൽ ഉൾപ്പെടെയുള്ള മുൻകരുതൽ നടപടികൾ സ്വീകരിച്ചതിനെയും തുടർന്നാണ് നടപടി. തിങ്കളാഴ്ച രാത്രി മുതൽ പ്രാബല്യത്തിൽ വന്ന ഇത് ഇനിയൊരു അറിയിപ്പ് ഉണ്ടാകുന്നതുവരെ തുടരുമെന്ന് ജനറൽ ഡയറക്ടറേറ്റ് ഓഫ് സിവിൽ ഏവിയേഷൻ അറിയിച്ചു.

ഖത്തറിലെ അൽ ഉദൈദിലെ അമേരിക്കൻ വ്യോമതാവളത്തിനു നേരെ ഇറാൻ വ്യോമാക്രമണം നടത്തിയതോടെ ഗൾഫ് രാഷ്ട്രങ്ങൾ കനത്ത ആശങ്കയിലാണ്. ഇറാൻ ആണവ നിലയങ്ങളിൽ അമേരിക്ക ആക്രമണം നടത്തിയതോടെ ആണവവികിരണ ഭീതി മുന്നിൽ കണ്ട് നേരത്തെ ഇതിനെ പ്രതിരോധിക്കുന്നതിനായുള്ള നടപടികൾ കൈകൊണ്ടിരുന്നു. ഇതിനിടെയാണ് ഖത്തറിനെതിരെ ഇറാന്റെ ആക്രമണം. ഇതോടെ തിങ്കളാഴ്ച രാത്രി കുവൈത്തിൽ നിന്ന് കേരളത്തിലേക്കടക്കം പുറപ്പെട്ട വിമാനങ്ങൾ അടിയന്തിരമായി തിരിച്ചറക്കി. പല വിമാനങ്ങളും റദ്ദാക്കി.

ആ​ണ​വ​ വി​കി​ര​ണ ഭീ​തി വേ​ണ്ട

ആ​ണ​വ​വി​കി​ര​ണ ഭീ​തി വേ​ണ്ടെ​ന്നും കു​വൈ​ത്ത് ഉ​ൾ​പ്പെ​ടെ​യു​ള്ള ജി​സി.​സി രാ​ജ്യ​ങ്ങ​ൾ ആ​ണ​വ വി​കി​ര​ണ മു​ക്ത​മാ​ണെ​ന്നും ഗ​ൾ​ഫ് സ​ഹ​ക​ര​ണ കൗ​ൺ​സി​ൽ ജ​ന​റ​ൽ സെ​ക്ര​ട്ടേ​റി​യ​റ്റ് വ്യ​ക്ത​മാ​ക്കി. പ​രി​സ്ഥി​തി, വി​കി​ര​ണ സൂ​ച​ക​ങ്ങ​ൾ സു​ര​ക്ഷി​ത​വും സാ​ങ്കേ​തി​ക​മാ​യി അ​നു​വ​ദ​നീ​യ​വു​മാ​യ നി​ല​വാ​ര​ത്തി​ലു​മാ​ണ്. മു​ൻ​കൂ​ർ മു​ന്ന​റി​യി​പ്പ് സം​വി​ധാ​ന​ങ്ങ​ൾ വ​ഴി തു​ട​ർ​ച്ച​യാ​യി സാ​ഹ​ച​ര്യ​ങ്ങ​ൾ വി​ല​യി​രു​ത്തു​ന്നു​ണ്ടെ​ന്നും ജി.​സി.​സി ജ​ന​റ​ൽ സെ​ക്ര​ട്ടേ​റി​യ​റ്റ് അ​റി​യി​ച്ചു. രാ​ജ്യ​ത്തി​ന്റെ വ്യോ​മാ​തി​ർ​ത്തി​യി​ലും ജ​ലാ​ശ​യ​ങ്ങ​ളി​ലും ആ​ണ​വ വി​കി​ര​ണ ഭീ​ഷ​ണി​യി​ല്ലെ​ന്ന് കു​വൈ​ത്ത് നാ​ഷ​ന​ൽ ഗാ​ർ​ഡും വ്യ​ക്ത​മാ​ക്കി. മൊ​ത്ത​ത്തി​ലു​ള്ള സ്ഥി​തി സാ​ധാ​ര​ണ​മാ​ണ്. ശൈ​ഖ് സാ​ലിം അ​ൽ അ​ലി അ​സ്സ​ബാ​ഹ് കെ​മി​ക്ക​ൽ ഡി​ഫ​ൻ​സ് ആ​ൻ​ഡ് റേ​ഡി​യേ​ഷ​ൻ മോ​ണി​റ്റ​റി​ങ് സെ​ന്റ​ർ തു​ട​ർ​ച്ച​യാ​യ നി​രീ​ക്ഷ​ണം ന​ട​ത്തു​ന്നു​ണ്ട്. രാ​ജ്യ​ത്തു​ട​നീ​ളം വി​ന്യ​സി​ച്ചി​രി​ക്കു​ന്ന സ​മ​ഗ്ര​മാ​യ നി​രീ​ക്ഷ​ണ ശൃം​ഖ​ല​ക​ൾ വ​ഴി ആ​ണ​വ വി​കി​ര​ണ അ​ള​വ് 24 മ​ണി​ക്കൂ​റും ട്രാ​ക്ക് ചെ​യ്യു​ന്നു.

നി​രീ​ക്ഷ​ണം ശ​ക്തം

ത​ങ്ങ​ളു​ടെ വ്യോ​മാ​തി​ർ​ത്തി​യി​ലും ജ​ലാ​ശ​യ​ങ്ങ​ളി​ലും ആ​ണ​വ വി​കി​ര​ണ ഭീ​ഷ​ണി​യി​ല്ലെ​ന്നും അ​ള​വ് സാ​ധാ​ര​ണ നി​ല​യി​ലാ​ണെ​ന്നും ജി.​സി.​സി രാ​ജ്യ​ങ്ങ​ളും വ്യ​ക്ത​മാ​ക്കി. ഇ​​റാ​​ൻ ആ​​ണ​​വ കേ​​ന്ദ്ര​​ങ്ങ​​ളി​​ൽ യു.​​എ​​സ്​ ന​​ട​​ത്തി​​യ ബോം​​ബാ​​ക്ര​​മ​​ണ​​ങ്ങ​​ളു​​ടെ പ്ര​​ത്യാ​​ഘാ​​തം നി​​ല​​വി​​ൽ യു.​​എ.​​ഇ​​യെ ബാ​​ധി​​ക്കി​​ല്ലെ​​ന്ന്​ ഫെ​​ഡ​​റ​​ൽ അ​​തോ​​റി​​റ്റി ഫോ​​ർ ന്യൂ​​ക്ലി​​യ​​ർ റെ​​ഗു​​ലേ​​ഷ​​ൻ (എ​​ഫ്.​​എ.​​എ​​ൻ.​​ആ​​ർ) വ്യ​​ക്ത​​മാ​​ക്കി. രാ​ജ്യ​ത്ത് ആ​ശ​ങ്കാ​ജ​ന​ക​മാ​യ ആ​ണ​വ വി​കി​ര​ണ അ​ള​വ് ക​ണ്ടെ​ത്തി​യി​ട്ടി​ല്ലെ​ന്ന് സൗ​ദി അ​റേ​ബ്യ അ​റി​യി​ച്ചു. റേ​ഡി​യേ​ഷ​ൻ അ​ള​വ് സാ​ധാ​ര​ണ​മാ​ണെ​ന്നും പ​രി​സ്ഥി​തി സു​ര​ക്ഷി​ത​മാ​ണെ​ന്നും അ​വ​ർ കൂ​ട്ടി​ച്ചേ​ർ​ത്തു.

ഒ​മാ​നും അ​ന്ത​രീ​ക്ഷം നി​രീ​ക്ഷി​ച്ചു​കൊ​ണ്ടി​രി​ക്കു​ക​യാ​ണ്. അ​സാ​ധാ​ര​ണ​മാ​യ റേ​ഡി​യേ​ഷ​ൻ അ​ള​വ് റി​പ്പോ​ർ​ട്ട് ചെ​യ്തി​ട്ടി​ല്ല. മു​ൻ​കൂ​ർ മു​ന്ന​റി​യി​പ്പ് റേ​ഡി​യേ​ഷ​ൻ മോ​ണി​റ്റ​റി​ങ് സി​സ്റ്റ​ത്തി​ൽ നി​ന്നു​ള്ള ഡേ​റ്റ​യും പ്രാ​ദേ​ശി​ക, അ​ന്ത​ർ​ദേ​ശീ​യ നി​രീ​ക്ഷ​ണ കേ​ന്ദ്ര​ങ്ങ​ൾ ന​ൽ​കി​യ ഡേ​റ്റ​യും സൂ​ക്ഷ്മ​മാ​യി വി​ശ​ക​ല​നം ചെ​യ്യു​ന്നു​ണ്ട്.രാ​ജ്യ​ത്തെ റേ​ഡി​യേ​ഷ​ൻ അ​ള​വ് വി​ല​യി​രു​ത്തു​ന്ന​തി​നാ​യി 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന വി​പു​ല​മാ​യ ദേ​ശീ​യ റേ​ഡി​യേ​ഷ​ൻ മോ​ണി​റ്റ​റി​ങ് ശൃം​ഖ​ല ഖ​ത്ത​ർ ആ​രം​ഭി​ച്ചി​ട്ടു​ണ്ട്. വാ​യു​വി​ലും ജ​ലാ​ശ​യ​ങ്ങ​ളി​ലും റേ​ഡി​യേ​ഷ​ൻ അ​ള​വ് നി​ല​വി​ൽ സാ​ധാ​ര​ണ പ​രി​ധി​ക്കു​ള്ളി​ലാ​ണ്. ബ​ഹ്‌​റൈ​നും സ്ഥി​തി​ഗ​തി​ക​ൾ നി​രീ​ക്ഷി​ച്ചു​കൊ​ണ്ടി​രി​ക്കു​ക​യാ​ണ്. മോ​ണി​റ്റ​റി​ങ് സ്റ്റേ​ഷ​നു​ക​ൾ ഫ​ല​ങ്ങ​ൾ നി​ര​ന്ത​രം അ​പ്‌​ഡേ​റ്റ് ചെ​യ്യു​ന്നു​ണ്ട്.

യു.​എ​സ് വ്യോ​മാ​ക്ര​മ​ണ​ത്തെ​ത്തു​ട​ർ​ന്ന് രാ​ജ്യ​ത്ത് റേ​ഡി​യോ ആ​ക്ടീ​വ് മ​ലി​നീ​ക​ര​ണം ക​ണ്ടെ​ത്തി​യി​ട്ടി​ല്ലെ​ന്ന് ഇ​റാ​ഖി​ലെ നാ​ഷ​ന​ൽ ന്യൂ​ക്ലി​യ​ർ, റേ​ഡി​യോ​ള​ജി​ക്ക​ൽ, കെ​മി​ക്ക​ൽ, ബ​യോ​ള​ജി​ക്ക​ൽ റെ​ഗു​ലേ​റ്റ​റി അ​തോ​റി​റ്റി​യും പ്ര​ഖ്യാ​പി​ച്ചു.