സ​മാ​ധാ​ന​ത​ത്ത്വ​ങ്ങ​ൾ പു​നഃ​ക്ര​മീ​ക​രി​ക്കാ​ൻ ആ​ഹ്വാ​നം ചെ​യ്ത് കു​വൈ​ത്ത്

കു​വൈ​ത്ത് സി​റ്റി: അ​ന്താ​രാ​ഷ്ട്ര സ​മാ​ധാ​ന​ത്തി​ന്റെ​യും സു​ര​ക്ഷ​യു​ടെ​യും ത​ത്ത്വ​ങ്ങ​ൾ, നി​യ​മ​ങ്ങ​ളു​ടെ​യും ക​ൺ​വെ​ൻ​ഷ​നു​ക​ളു​ടെ​യും വ്യ​വ​സ്ഥ​ക​ൾ എ​ന്നി​വ​യി​ൽ ത​ങ്ങ​ളെ​ത്ത​ന്നെ പു​ന​ർ​നി​ർ​മി​ക്കാ​നും ഇ​ര​ട്ട​ത്താ​പ്പ് ഒ​ഴി​വാ​ക്കാ​നും ഉ​ണ​ർ​ത്തി കു​വൈ​ത്ത്. ന്യൂ​യോ​ർ​ക്കി​ലെ യു.​എ​ൻ ആ​സ്ഥാ​ന​ത്ത് ന​ട​ന്ന യു.​എ​ൻ ഫ്യൂ​ച്ച​ർ ഉ​ച്ച​കോ​ടി​യി​ൽ ന​ട​ത്തി​യ പ്ര​സം​ഗ​ത്തി​ൽ കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹാ​ണ് ഇ​ക്കാ​ര്യ​ങ്ങ​ൾ ഉ​ണ​ർ​ത്തി​യ​ത്.

ഫ​ല​സ്തീ​നി​ൽ ന​ട​ന്നു​കൊ​ണ്ടി​രി​ക്കു​ന്ന വം​ശ​ഹ​ത്യ ചൂ​ണ്ടി​ക്കാ​ട്ടി​യ കി​രീ​ടാ​വ​കാ​ശി സ്ത്രീ​ക​ളും കു​ട്ടി​ക​ളു​മ​ട​ക്കം ഇ​തു​വ​രെ 41,000 ത്തി​ല​ധി​കം പേ​രു​ടെ ജീ​വ​ൻ അ​പ​ഹ​രി​ച്ച​ത് സൂ​ചി​പ്പി​ച്ചു. ഇ​സ്രാ​യേ​ൽ ആ​ക്ര​മ​ണം ത​ട​യാ​ൻ യു.​എ​ൻ ര​ക്ഷാ​സ​മി​തി​യു​ടെ ക​ഴി​വി​ല്ലാ​യ്മ​യു​ടെ വ്യ​ക്ത​മാ​യ ഓ​ർ​മ​പ്പെ​ടു​ത്ത​ലാ​ണി​തെ​ന്നും ചൂ​ണ്ടി​ക്കാ​ട്ടി.

അ​ന്താ​രാ​ഷ്ട്ര നി​യ​മം ന​ട​പ്പാ​ക്കു​ന്ന​തി​ലെ ഇ​ര​ട്ട​ത്താ​പ്പി​ന്റെ ഖേ​ദ​ക​ര​മാ​യ ഒ​രു ഉ​ദാ​ഹ​ര​ണ​മാ​ണി​ത്. ന​മ്മു​ടെ ഭാ​വി​യി​ൽ ഇ​തി​ന് ഇ​ട​മി​ല്ല, അ​ല്ലാ​ത്ത​പ​ക്ഷം ലോ​ക​ക്ര​മം കാ​ട്ടു​നി​യ​മ​മാ​യി അ​ധഃ​പ​തി​ക്കു​മെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി. ആ​ക്ര​മ​ണ​ത്തി​ന്റെ തു​ട​ക്കം മു​ത​ൽ ഇ​സ്രാ​യേ​ൽ അ​ധി​നി​വേ​ശ​സേ​ന ആ​ശു​പ​ത്രി​ക​ൾ, സ്കൂ​ളു​ക​ൾ, പാ​ർ​പ്പി​ട മേ​ഖ​ല​ക​ൾ, അ​ഭ​യാ​ർ​ഥി ക്യാ​മ്പു​ക​ൾ എ​ന്നി​വ ത​ക​ർ​ത്തു. ഒ​ക്ടോ​ബ​ർ എ​ഴു മു​ത​ൽ ഗ​സ്സ​യി​ൽ ഇ​സ്രാ​യേ​ൽ ആ​ക്ര​മ​ണ​ത്തി​ൽ മ​രി​ച്ച ഫ​ല​സ്തീ​നി​ക​ൾ 41,431ഉും ​പ​രി​ക്കേ​റ്റ​വ​ർ 95,818 ആ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.