സ്വദേശികളുടെ ബാങ്ക്​ വായ്​പ തിരിച്ചടവിന്​ ആറുമാസത്തെ സാവകാശം

കുവൈത്ത്​ സിറ്റി: കുവൈത്തിൽ സ്വദേശികളുടെ ബാങ്കുവായ്പ തിരിച്ചടവിന്​ ആറുമാസത്തെ സാവകാശം ലഭിക്കും. ​കുവൈത്ത് ബാങ്കിങ് അസോസിയേഷനാണ് ഇളവ് പ്രഖ്യാപിച്ചത്​.

തിരിച്ചടവ് വൈകുന്നത് മൂലമുണ്ടാകുന്ന അധിക പലിശയും ഒഴിവാക്കും. കോവിഡ്​ 19 പ്രതിരോധ ഭാഗമായി ഏർപ്പെടുത്തിയ നിയന്ത്രണങ്ങൾ രാജ്യത്തെ സാമ്പത്തിക, സാമൂഹിക വ്യവസ്ഥയിൽ ഉണ്ടാക്കുന്ന പ്രത്യാഘാതങ്ങൾ പരിഹരിക്കാൻ നടപടി സ്വീകരിക്കണമെന്ന കുവൈത്ത്​ അമീറി​​െൻറ മാർഗനിർദേശങ്ങളുടെ ചുവടുപിടിച്ചാണ്​ ബാങ്ക്​ വായ്​പ തിരിച്ചടവിന്​ ആറുമാസത്തെ സാവകാശം നൽകാൻ തീരുമാനിച്ചത്​.

അതേസമയം, വിദേശികൾക്ക്​ ഇൗ ആനുകൂല്യം നൽകിയിട്ടില്ല. ക്രെഡിറ്റ്​ കാർഡ്​ അടവിനും ആറുമാസത്തെ ഇളവ്​ അനുവദിച്ചിട്ടുണ്ട്​.