ലെബനാൻ പ്രതിനിധിയോട്​ രാജ്യം വിടാൻ ആവശ്യപ്പെട്ട്​ കുവൈത്ത്

കു​വൈ​ത്ത്​ സി​റ്റി: കു​വൈ​ത്തി​ലെ ലെ​ബ​നാ​ൻ പ്ര​തി​നി​ധി​യോ​ടു 48 മ​ണി​ക്കൂ​റി​നു​ള്ളി​ൽ രാ​ജ്യം വി​ടാ​ൻ നി​ർ​ദേ​ശം ന​ൽ​കി കു​വൈ​ത്ത്. ലെ​ബ​നാ​നി​ലെ കു​വൈ​ത്ത് അം​ബാ​സ​ഡ​റെ കൂ​ടി​യാ​ലോ​ച​ന​ക​ൾ​ക്കാ​യി വി​ദേ​ശ​കാ​ര്യ​മ​ന്ത്രാ​ല​യം തി​രി​ച്ചു​വി​ളി​ച്ച​താ​യും കു​വൈ​ത്ത് വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്​​തു.

സൗ​ദി​യെ​യും യു.​എ.​ഇ​യെ​യും കു​റി​ച്ച് ലെ​ബ​നാ​ൻ ഇ​ൻ​ഫ​ർ​മേ​ഷ​ൻ മ​ന്ത്രി ന​ട​ത്തി​യ പ​രാ​മ​ർ​ശ​ങ്ങ​ളെ അ​പ​ല​പി​ക്കു​ന്ന​തി​ൽ ലെ​ബ​നാ​ൻ ഭ​ര​ണ​കൂ​ട​ത്തി​െൻറ ഭാ​ഗ​ത്തു​നി​ന്നു​ണ്ടാ​യ വീ​ഴ്​​ച ചൂ​ണ്ടി​ക്കാ​ട്ടി​യാ​ണ് കു​വൈ​ത്തി​െൻറ ന​ട​പ​ടി. ര​ണ്ടു സ​ഹോ​ദ​ര രാ​ജ്യ​ങ്ങ​ൾ​ക്കും എ​തി​രെ​യു​ള്ള ആ​രോ​പ​ണ​ങ്ങ​ൾ യാ​ഥാ​ർ​ഥ്യ​ങ്ങ​ൾ​ക്ക് വി​രു​ദ്ധ​വും യ​മ​നി​ലെ നി​യ​മാ​നു​സൃ​ത സ​ർ​ക്കാ​റി​നെ പി​ന്തു​ണ​ക്കു​ന്ന​തി​ൽ സൗ​ദി​യു​ടെ​യും യു.​എ.​ഇ​യു​ടെ​യും അ​റ​ബ് സ​ഖ്യ​ത്തി​െൻറ​യും നി​ർ​ണാ​യ​ക പ​ങ്കി​നെ വി​സ്​​മ​രി​ച്ചു​ള്ള​താ​ണെ​ന്നും ക​ഴി​ഞ്ഞ ദി​വ​സം വി​ദേ​ശ​കാ​ര്യ​മ​ന്ത്രാ​ല​യം വ്യ​ക്ത​മാ​ക്കി​യി​രു​ന്നു. കു​വൈ​ത്തി​ലെ ലെ​ബ​നീ​സ് ചാ​ർ​ജ് ഡി ​അ​ഫ​യ​ർ ഹാ​ദി ഹാ​ഷി​മി​നെ വി​ളി​ച്ചു​വ​രു​ത്തി വി​യോ​ജി​പ്പ് അ​റി​യി​ക്കു​ക​യും ചെ​യ്​​തി​രു​ന്നു. ഇ​തി​െൻറ തു​ട​ർ​ച്ച​യാ​യാ​ണ് ഇ​പ്പോ​ൾ ചാ​ർ​ജ് ഡി ​അ​ഫ​യ​ർ 48 മ​ണി​ക്കൂ​റി​നു​ള്ളി​ൽ കു​വൈ​ത്ത് വി​ട​ണ​മെ​ന്ന് നി​ർ​ദേ​ശം ന​ൽ​കി​യ​ത്. ല​ബ​നാ​നി​ലെ കു​വൈ​ത്ത് അം​ബാ​സ​ഡ​റെ കൂ​ടി​യാ​ലോ​ച​ന​ക​ൾ​ക്കാ​യി തി​രി​ച്ചു വി​ളി​ക്കാ​നും മ​ന്ത്രാ​ല​യം തീ​രു​മാ​നി​ച്ചി​ട്ടു​ണ്ട്. കു​വൈ​ത്തി​ലേ​ക്കും മ​റ്റ് ജി.​സി.​സി രാ​ജ്യ​ങ്ങ​ളി​ലേ​ക്കും വ​ർ​ധി​ച്ചു​വ​രു​ന്ന മ​യ​ക്കു​മ​രു​ന്ന് ക​ട​ത്ത് ത​ട​യാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ന്ന​തി​ൽ ലെ​ബ​നാ​ൻ സ​ർ​ക്കാ​ർ പ​രാ​ജ​യ​പ്പെ​ട്ട​താ​യും മ​ന്ത്രാ​ല​യം കു​റ്റ​പ്പെ​ടു​ത്തി.